Бойыныҥ сӧстӧриле айткан куучын

2 Кор. 2:17

АМАДУЗЫ Угаачыларыҥ керегинде сананып, акту јӱректеҥ куучындап турганыҥды олор сезип турзын.

МЫНЫ КАНАЙЫП ЭДЕР

• Мӱргӱп алала, јазап белетен. Улус сен керегинде нени сананарын эмес, је нени айдарга турганыҥды сананарга болушсын деп, Иегованы сура. Анчада ла кандый шӱӱлтелерди угаачыларыҥа јетирер керек деп сананып ал. Бичилген текстти сӧстӧҥ сӧскӧ кычырбай, бойыҥныҥ сӧстӧриҥле куучында.

• Акту јӱректеҥ айт. Айдарга турганыҥды улуска нениҥ учун билер керек деп, шӱӱп санан. Ол тушта сениҥ јылу ла јалакай куучыныҥ акту јӱректеҥ деп, јӱзиҥнеҥ ле бойыҥды канайып тудунганыҥнаҥ кӧрӱнип турар.

• Кӧскӧ кӧрӱп куучында. Угаачыларыҥныҥ кӧзине кӧрӱп куучында. Отурган улуска куру јердӧӧн кӧргӧн чылап кӧрбӧй, бир кижидӧӧн кӧрӱп, база бирӱзидӧӧн кӧрӱп куучында.