Бастыра телекейде бир тил болгон

11:1—4, 6—9

Вавилондо Иегова сӧсукпас улусты башка-башка тилдерге куучындажар эдип ийеле, јер ӱстине таркадып салган. Бистиҥ ӧйдӧ Кудай ончо «калыктардаҥ ла тилдердеҥ» кара-бајырт улусты јууп, «олор ончозы Иегованыҥ адын кычырып, ого теҥ-тай иштезин деп, ару тилге» ӱредет (Сф 3:9; Ач 7:9). «Ару тил» — ол Иегова ла оныҥ амадулары керегинде чындык. Бу чындык Агару Бичикте бичилип калган.

Тил ӱренери кижиниҥ санаазына камаанын јетирет, нениҥ учун дезе кижи јӱк ле јаҥы сӧстӧр сананып аларга албаданып турган эмес, је јаҥыдаҥ сананарга ӱренет. Анайып ла чындыктыҥ ару тилиле болот. Чындыктыҥ тилине куучындажарга ӱренип тура бистиҥ санаабыс солынып јат (Рм 12:2). Бу бир де токтобос иш. Иегованыҥ албатызы чындыктыҥ тилиле куучындажарга ӱренип турганынаҥ улам бирлик болот (1Кр 1:10).