Сыгын айда аҥылу кампания. Агару Бичикле ӱредӱлер баштаарыс

Сыгын айда бис јарлаар иште «Јажын-чакка ырысту јӱригер!» деген брошюрала тузаланып, Агару Бичикти ӱренетен арга бар деп, улуска айдарыс. Бу айда подсобный пионер болуп, 30 саат иштеерге јараар. Бу аҥылу кампания канайып ӧдӧр?

• Баштапкы куучындашкан тушта. Кижини Агару Бичикле јилбиркедип ийерге брошюраныҥ калганчы бӱгин тузаланып, ӱредӱ канайып ӧдӱп турганын кӧргӱзип берерге албадан. Алдында Агару Бичик керегинде куучындашкан улусты ла такып барып туратан улусты база ундыба. Ол тушта бу улус Агару Бичикти ӱренерге јӧпсинбеген болор. Је эмди бистиҥ јаҥы эп-арга ла јаҥы брошюрабыс јарай берердеҥ айабас. Брошюраны айылында јок болгон улуска артыргыспазыс, эмезе самара бичизеес ол кижи брошюраны аларга кӱӱнзебезе аткарбазыс. Бу айда јуунныҥ ижиниҥ комитеди јарлаар иштиҥ туштажуларын кӧптӧдип ийер аргалу.

• Башка аргалар. Слердиҥ јуун бичиктерлӱ стендти тузаланып турган болзо, «Јажын-чакка ырысту јӱригер!» деген брошюраны база тургузып салар. Брошюрала јилбиркей берген улуска коштойынаҥ акча тӧлӧбӧзинеҥ ӱренетен арга база бар деп айдып тур. Бу ла ӧйдӧ Агару Бичикти ӱренетени канайып ӧдӱп турганын кыскарта кӧргӱзип бер, эмезе база бир тушта кӧргӱзип берерге куучындажып ал. Јарлаар иш јанынаҥ каруулу кижи улустыҥ иштеп турган јерлеринде Агару Бичикти ӱренетен амадулу јарлазын деп, башкартулар берер аргалу. Бу ишке ченемелдӱ јарчыларды тузаланар керек. Анайда ок сен Агару Бичик ӱренетенин кожо иштеп турган улуска ла керектериҥле јӱрген тужыҥда база айдар аргалу.

Иисус бистерди ӱренчиктер белетеп, олорды ӱретсин деп јакыган (Мф 28:19, 20). Бу аҥылу кампания Иисустыҥ јакылтазын бӱдӱрип саларга болушсын деп кӱӱнзейдис! Бистерге «Јажын-чакка ырысту јӱригер!» деген брошюра болужар.