«Јӱрӱмис ле ижибис» деп иштиҥ тетрадиниҥ источниктери
© 2022 Christian Congregation of Jehovah’s Witnesses
ЧАГАН АЙ 2—8
КУДАЙДЫҤ СӦЗИНДЕГИ ЭРЈИНЕЛЕР | 2 КААНДАР 22, 23
Кӧгӱс кӱмӱштер бедирейдис
w01-U 15/4 26, абз. 3, 4
Бала тужаарда кӱч айалгада да чыдаган болзоор, слер ырысту болор аргалу
Иосияныҥ бала тужы кӱч те болгон болзо, Иегованыҥ кӧзинде ол јакшы керектер эткен. Ол сӱреен јакшы башкарган каан болгон, керек дезе Агару Бичикте ол керегинде мынайып айдылат: «Ио́сия Моисейдиҥ ончо јасагын бӱдӱрип, Иеговага бастыра јӱрегиле, бастыра бойыла, бастыра кӱчиле иштеп баштаган. Ио́сиядый каан оноҥ озо до, оныҥ кийнинде де болбогон» (2 Каандар 23:19—25).
Бала тужында кӱч айалгада чыдаган улустыҥ кӱӱнин, Иосияныҥ теми сӱреен јакшы кӧдӱрер! Бу темнеҥ бис неге ӱренедис?
ЧАГАН АЙ 9—15
КУДАЙДЫҤ СӦЗИНДЕГИ ЭРЈИНЕЛЕР | 2 КААНДАР 24, 25
Кӧгӱс кӱмӱштер бедирейдис
w05-U 1/8 12, абз. 2
24:3, 4. Иегова Манассияныҥ кан тӧккӧн бурузын кӧрӱп, Иуданыҥ јаманын таштабаган. Кудай бурузы јок кижиниҥ каны тӧгӱлгенин чек јаратпай јат. Иегова бурузы јок кижиниҥ канын тӧккӧн кижини јоголтып салар деп, бис алаҥзыбас аргалу (Сарындар 37:9—11; 145:20).
ЧАГАН АЙ 16—22
КУДАЙДЫҤ СӦЗИНДЕГИ ЭРЈИНЕЛЕР | 1 ЛЕТОПИСЬ 1—3
Кӧгӱс кӱмӱштер бедирейдис
it-U «Родословная», «Имена женщин» деген бӧлӱк, абз. 1, 2
Улустыҥ угы-тӧзи
Ӱй улустыҥ ады-јолы. Агару Бичикте улустыҥ угы-тӧзи тоололгонында ӱй улустыҥ аттары јӱк кандый бир тӱӱкиле колбой шылтак бар болзо бичилген. Башталганы 11:29, 30-та Сараныҥ (Сарра) ады туштайт, не дезе, Калдык Авраамныҥ ӧскӧ ӱйинеҥ эмес, је Сарра ажыра чыгар учурлу болгон. Бу ла ӱзӱкте Милка керегинде бичилген, нениҥ учун дезе ол Исаактыҥ ӱйиниҥ, Ревекканыҥ, карган энези болгон. Анайып, Ревекка Авраамныҥ тӧрӧӧндӧринеҥ чыккан деп кӧрӱп јадыс, нениҥ учун дезе Исаак ӧскӧ албатылардаҥ кижи албас учурлу болгон (Бш 22:20—23; 24:2—4). Башталганы 25:1-де Авраамныҥ јаҥы ӱйиниҥ, Хеттураныҥ, ады туштап турганы, Сарра јада каларда, Авраам база кижи алып, Иегова Авраамныҥ балалу болор аргазын кайкал эдип орныктырганынаҥ 40 јыл да ӧдӧ берерде, ол бу аргазын јылыйтпаган деп кӧргӱзет (Рм 4:19; Бш 24:67; 25:20). Анайда ок бу ажыра Израильле, мадианитяндар ла аравияныҥ ӧскӧ дӧ уктары канайып колбулу болгон деп кӧрӱп јадыс.
Анайда ла ок Лия, Рахиль ле Иаковтыҥ наложницалары адыла адалып јат (Бш 35:21—26). Бу Кудай олордыҥ уулдарына канайып баштанганын оҥдоорго болужат. Андый ла шылтактардаҥ улам ӧскӧ дӧ уй улустыҥ аттары туштайт. Уй улуска энчи берилген болзо, олордыҥ аттары база туштайт (Тл 26:33). Фамарьдыҥ, Раавтыҥ ла Руфьтыҥ ады бичилгени — бу аҥылу учурал болот. Олордыҥ кажызы ла кандый бир аҥылу керек эдип, олордоҥ Мессия, Иисус Христос, укталып келген. (Бш, 38 баж.; Рф 1:3—5; 4:13—15; Мф 1:1—5). Ӧскӧ ӱй улустыҥ ады-јолы 1 Летопись 2:35, 48, 49; 3:1—3, 5 туштайт.
ЧАГАН АЙ 23—29
КУДАЙДЫҤ СӦЗИНДЕГИ ЭРЈИНЕЛЕР | 1 ЛЕТОПИСЬ 4—6
Кӧгӱс кӱмӱштер бедирейдис
w05-U 1/10 9, абз. 7
Баштапкы Летописьтиҥ јилбилӱ шӱӱлтелери
5:10, 18—22. Саулдыҥ ӧйинде Иорданныҥ кӱнчыгыш јанында јадып турган уктар, тоозыла олордоҥ эки катапка кӧп агаряндарды јуулап алган. Бу, ол уктардыҥ јалтанбас јуучылдары Иеговага иженип, оноҥ болуш сураганынаҥ улам болгон. Бис кӧп тоолу ӧштӱлерле кӧгӱс јуу-согушта јуулажадыс, оныҥ учун Иеговага бастыра јӱрегистеҥ иженектер (Эфестегилерге 6:10—17).
ЧАГАН АЙ 30 — КОЧКОР АЙ 5
КУДАЙДЫҤ СӦЗИНДЕГИ ЭРЈИНЕЛЕР | 1 ЛЕТОПИСЬ 7—9
Кӧгӱс кӱмӱштер бедирейдис
w10-U 15/12 21, абз. 6
Иеговага кожоҥдогор!
6 Иегова ишчилерине судурчылар ажыра оны мактап кожоҥдозын деп јакыган. Керек дезе кожоҥчыларда кӱӱ чӱмдеерине ле оны ойноорына белетенерге ӧй болзын деп, левиттердиҥ молјуларынаҥ јайымдалатан (1 Лет. 9:33).
КОЧКОР АЙ 6—12
КУДАЙДЫҤ СӦЗИНДЕГИ ЭРЈИНЕЛЕР | 1 ЛЕТОПИСЬ 10—12
Кӧгӱс кӱмӱштер бедирейдис
it-U «Сердце», «Служить с „неразделенным сердцем“» деген бӧлӱк, абз. 1, 2
Јӱрек
Кудайга экиленбеген јӱректӱ иштеери. Тегин јӱрекке кӧрӧ, кӧгӱс јӱрек экиленген болор аргалу. Давид мынайып мӱргӱген: «Бастыра јӱрегимле сениҥ адыҥнаҥ айап јӱрерге болуш». Бу сӧстӧрдӧҥ кижиниҥ јӱреги экиленер аргалу деп кӧрӱнет (кижиге не јарап турганы ла ненеҥ коркып турганы керегинде айдылып турза) (Ср 86:11). Андый кижи бастыра јӱрегинеҥ чындык эмес, ол Кудайга бажырарында «јылузымак», эмезе эрчимдӱ иштебей јат (Ср 119:113; Ач 3:16). Анайда ок кижи эки бийге иштеп турза, эмезе бир немени сананып, ӧскӧ неме айдып турза, андый кижи экиленген јӱректӱ (эмезе јӱрек ле јӱрек) (1Лт 12:33; Ср 12:2). Иисус экиленген јӱректӱ улусты кату кезеткен болгон (Мф 15:7, 8).
Кижи Иегованыҥ јарадузын аларга турган болзо, оныҥ јӱреги экиленбеген болор учурлу. Андый кижиге Иеговага бастыра јӱрегиле иштеер керек (1Лт 28:9). Кудайга экиленбеген јӱректӱ иштеерге, кӧп албаданар керек, нениҥ учун дезе јӱрек тӧгӱнчи ле тыҥ ӱрелип калган (Иер 17:9, 10; Бш 8:21). Биске Кудайга бастыра јӱректеҥ иштеерге, акту јӱректеҥ мӱргӱп турары (Ср 119:145; Ый 3:41), Агару Бичикти кажы ла кӱн кычырары (Езд 7:10; Ук 15:28), јарлаар иште эрчимдӱ туружары (Иер 20:9 тӱҥдештир) ла бастыра јӱрегинеҥ Иеговага бажырып турган улусла куучындажары болужар (2Кн 10:15, 16 тӱҥдештир).
КОЧКОР АЙ 13—19
КУДАЙДЫҤ СӦЗИНДЕГИ ЭРЈИНЕЛЕР | 1 ЛЕТОПИСЬ 13—16
Кӧгӱс кӱмӱштер бедирейдис
w14-U 15/1 10, абз. 14
Иеговага, Ӱргӱлјиниҥ Каанына, бажырыгар
Давид агару ковчегти Иерусалимдӧӧн кӧчӱрип јадарда, левиттер бу учуралга тыҥ сӱӱнип, мактулу кожоҥ кожоҥдогон. Бу кожоҥго 1 Летопись 16:31-деги сӧстӧр кирет: «„Иегова Каан болуп калды!“ — деп, албатыларга јарлагар». Мындый сурак чыгардаҥ айабас: «Иегова јажын-чакка Каан болуп турарда, кандый учурыла ол мында Каан болуп калды деп айдылат?» Иегова каан болуп калат, качан ол бойыныҥ каан болор јаҥын кӧргӱзип турза, эмезе кандый бир ӧйгӧ оныҥ адынаҥ башкарарга, эмезе кандый бир сурактыҥ аайына чыгарга, башкаратан орган тургузып турза. Иегованыҥ башкарар јаҥын бу јанынаҥ кӧрзӧ, ол тереҥ учурлу болот. Давидтиҥ божоорыныҥ алдында Иегова ого, оныҥ каандыгы ӱргӱлјиге турар деп сӧзин берген. Ол айткан: «Мен сениҥ калдыгыҥды, сениҥ уулыҥды, каан эдип тургузарым, оныҥ каандыгын бек тургузып саларым» (2 Сам. 7:12, 13). Бу калдык 1 000 јыл ӧткӧн кийнинде чыккан.
КОЧКОР АЙ 20—26
КУДАЙДЫҤ СӦЗИНДЕГИ ЭРЈИНЕЛЕР | 1 ЛЕТОПИСЬ 17—19
Кӧгӱс кӱмӱштер бедирейдис
w20.02 12, рамка
Бис Иегова Адабысты тыҥ сӱӱп јадыс
Иегова мени кӧрӱп турган ба?
Слерде качан бирде мындый сурак болгон бо: «Јердиҥ ӱстинде менеҥ ӧскӧ миллиардтар тоолу улус бар болордо, Иегова меге нениҥ учун ајару эдетен?» Мындый сурак јаҥыс слерде эмес, је ӧскӧ дӧ улуста болуп јат. Давид каан мынайып бичиген: «О-о Иегова, сенеҥ ајару аларга, кижи нени эткен? Сениҥ ајарууҥа тургадый, тегин кижи кем андый?» (Сар. 144:3). Је Давидте мындый сурак болгон до болзо, Иегова оны јакшы билер деп, ол бир де алаҥзыбаган (1 Лет. 17:16—18). Иегова бойыныҥ Сӧзи ле организациязы ажыра бистиҥ ого сӱӱжисти ајаруга алат деп, бисти бӱдӱмјилеп јат. Агару Бичиктеҥ алылган тӧмӧнги кезик шӱӱлтелер, Иегова слерди баалап турган деп алаҥзыбаска болужар.
• Иегова слерди ак-јарыкка чыккалагардаҥ озо билер болгон (Сар. 139:16).
• Иегова слердиҥ санаалараарды да, сезимдеригерди де билер (1 Лет. 28:9).
• Иегова слердиҥ кажы ла мӱргӱӱлигерди бойы угуп јат (Сар. 65:2).
• Иегова слердиҥ керектереерди кӧрӱп, сӱӱнет эмезе ачынат (Укаа 27:11).
• Иегова слерди бойы кычырган (Иоанн 6:44).
• Иегова слерди сӱреен јакшы билер, оныҥ учун божоп то калзагар, слерди тиргизип алар. Ол слерге јаҥы эт-кан берип, болгон сагыжыгарды орныктырып берер, анайда ок слердиҥ аҥылу кылык-јаҥыгарды да орныктырар (Иоанн 11:21—26, 39—44; Ап. ижи 24:15).
КОЧКОР АЙ 27 — ТУЛААН АЙ 5
КУДАЙДЫҤ СӦЗИНДЕГИ ЭРЈИНЕЛЕР | 1 ЛЕТОПИСЬ 20—22
Кӧгӱс кӱмӱштер бедирейдис
w05-U 1/10 11, абз. 6
Баштапкы Летописьтиҥ јилбилӱ шӱӱлтелери
21:13—15. Иегова албатыны кырып јаткан ангелди токтодып ийген, нениҥ учун дезе ого албатызыныҥ шыразын кӧрӧргӧ ачу болгон. Чын ла Иегова сӱреен килеҥкей Кудай.