«Јӱрӱмис ле ижибис» деп иштиҥ тетрадиниҥ источниктери
© 2023 Watch Tower Bible and Tract Society of Pennsylvania
СЫГЫН АЙ 11—17
КУДАЙДЫҤ СӦЗИНДЕГИ ЭРЈИНЕЛЕР | ЭСФИРЬ 3—5
Кӧгӱс кӱмӱштер бедирейдис
kr-U 160, абз. 14
Јайым бажырыш учун тартыжу
14 Јебрен ӧйдӧги Эсфирь ле Мардохей чилеп, бӱгӱнги кӱнде Кудайдыҥ албатызы Иеговага јайым бажырарга тартыжып јат (Эсф. 4:13—16). Слер бу тартыжуда туружар аргалу ба? Эйе. Слер справедливый эмес юридический јӧптӧрдӧҥ улам шыралап турган ака-эјелер учун јаантайын мӱргӱӱр аргалу. Андый мӱргӱӱлдер — истежӱлерге табартып турган ака-эјелерге сӱреен јаан болуш болот. (Иаков 5:16 кычырыгар.) Иегова мындый мӱргӱӱлдерге каруу берет пе? Јаргыларда бистиҥ јеҥӱлеристи кӧрзӧӧс, эйе, берет! (Евр. 13:18, 19).
СЫГЫН АЙ 18—24
КУДАЙДЫҤ СӦЗИНДЕГИ ЭРЈИНЕЛЕР | ЭСФИРЬ 6—8
Кӧгӱс кӱмӱштер бедирейдис
w06-U 1/3 11, абз. 1
Эсфирь деп бичиктиҥ јилбилӱ шӱӱлтелери
7:4 — Еврей албатыны јоголтконы канайып «каанга јаан чыгым» болор эди? Эсфирь «бисти кулдар эдип саткан болзо» деген сӧстӧриле, иудей албатыны јоголтконы каанга кандый јаан чыгым эдерин кӧргӱскен. Аманныҥ берер болгон 10 000 талант мӧҥӱни каанныҥ казназына не де эмес болгон, темдектезе, иудейлерди кулдар эдип саткан болзо, канча катапка кӧп акча болор эди. Анайда ок бу јаман керек бӱткен болзо, каанныҥ ӱйин, Эсфирьди де ӧлтӱрип салар эди.
СЫГЫН АЙ 25 — ӰЛӰРГЕН АЙ 1
КУДАЙДЫҤ СӦЗИНДЕГИ ЭРЈИНЕЛЕР | ЭСФИРЬ 9—10
Кӧгӱс кӱмӱштер бедирейдис
w06-U 1/3 11, абз.¶4
Эсфирь деп бичиктиҥ јилбилӱ шӱӱлтелери
9:10, 15, 16— Каанныҥ јакарузыла јараар да болгон болзо, нениҥ учун иудейлер «олордыҥ јӧӧжӧзин тонобогондор»? Бу дезе иудейлер кӧп акча-јӧӧжӧ јууп аларга эмес, је бойлорын корулаарга турганын кӧргӱскен.
ӰЛӰРГЕН АЙ 9—15
КУДАЙДЫҤ СӦЗИНДЕГИ ЭРЈИНЕЛЕР | ИОВ 4—5
Кӧгӱс кӱмӱштер бедирейдис
w03-U 15/5 22, абз. 5, 6
Јӱрӱм учун јӱгӱретенинде турумкай артып, јеҥип туругар
Бис Кудайдыҥ чындык ишчилериниҥ телекейлик организациязына кирип турганы́с бисти тыҥыдар аргалу. Мындый сӱӱштӱ телекейлик карындаштыкка кирип турганы́с кандый јаан алкыш болот! (1 Пётр 2:17). Бис бойлорыс та ака-эјелерди тыҥыдар аргалу.
Чындык Иовтыҥ темин кӧрӱп ийектер. Тӧгӱн токунадаачы Елифаз та: «Сениҥ сӧстӧриҥ бӱдӱрилген кижини кӧдӱрген, сен тизелери тыркыраган кижини тыҥыттыҥ» — деп сӧстӧрлӧ јӧпсинген (Иов 4:4). Бистер керегинде нени айдарга јараар? Бистиҥ кажыбыста ла кӧгӱс ака-эјелериске оноҥ ло ары Иеговага чындык иштеерге болужатан молју бар. Оныҥ учун бис олорго: «Уйадаган колдорды ла тыркырашкан тизелерди тыҥыдыгар» — деген сӧстӧр аайынча баштанар аргалу (Исайя 35:3). Кажы ла јуунныҥ туштажузында бир-эки кижиниҥ кӱӱнин кӧдӱретен амаду не тургузып албас? (Еврейлерге 10:24, 25). Олордыҥ Иеговага чындык артарга албаданып турганы учун быйанду ла мактулу сӧстӧр айтканы олорго оноҥ ло ары турумкай артып, јӱрӱм учун јӱгӱриште јеҥип аларга болужар.
ӰЛӰРГЕН АЙ 23—29
КУДАЙДЫҤ СӦЗИНДЕГИ ЭРЈИНЕЛЕР | ИОВ 8—10
Кӧгӱс кӱмӱштер бедирейдис
w10-U 15/10 6, абз. 19, 20
«Иегованыҥ санаазын кем билип алган?»
19 «Иегованыҥ санаазы» керегинде нени билип алдыс? Иегова канайып сананып турганын оҥдоп аларга, биске оныҥ Сӧзине баштанар керек. Иегованыҥ санаазы бистий ле ошкош деп сананбас керек, анайда ок оны бойыстыҥ кӧрӱм-санаабыс ла кемјӱбисле јаргылабас керек. «Мен оныла канайып јаргылажатам, ого канайып каруу беретем, ол мендий кижи эмес ине» — деп Иов айткан (Иов 9:32). Иегованыҥ санаазын оҥдоп баштазаас, бис Иов чылап: «Бу ӱзе оныҥ јолдорыныҥ јӱк ле кыры. Јӱк ле шымыранганы биске једет! Је оныҥ јаан ийде-кӱчтӱ кӱкӱртин кем оҥдоп алар?» — деп оҥдоп јадыс (Иов 26:14).
20 Бис Агару Бичикти кычырып јатсаас, оҥдоорго кӱч ӱзӱк туштаган болзо, анчада ла Иегованыҥ кӧрӱм-санаазы керегинде болзо, бис канайдарыс? Бу сурак аайынча шиҥжӱ ӧткӱрип, јарт ла чокум каруу таппаган болзоос, бу тушта бистиҥ Иеговага бӱдӱмјибис ченелип јат. Агару Бичиктиҥ мындый ӱзӱктери Иегованыҥ кылык-јаҥын канча кире тереҥ оҥдоп турганысты кӧргӱзетен арга болуп турганын ундыбагар. Анайдарда ол нени эдип турганын ӱзе оҥдоп болбозыс деп јӧпсинер керек (Эккл. 11:5). Бу бисти апостол Павелдиҥ: «Э-э, Кудайдыҥ байлыгы кандый улу, ойгоры ла билими кандый тереҥ! Оныҥ шӱӱлтелерин шиҥдеер, Оныҥ јолдорын аайлаар арга јок. „Кайраканныҥ [Иегованыҥ] санаазын кем билип алган?Ого кем јӧп айдып берген?“ „Кайра јандырзын деп, Ого кем нени-нени берген бе?“ Ончозын Ол јайаган ине, ончозы Оныҥ шылтузында ла Ого болуп јӱрет. Ого ӱргӱлји чакка мак. Аминь» — деген сӧстӧриле јӧпсинерге кӱӱнзедер (Рим. 11:33—36).
ӰЛӰРГЕН АЙ 30 — КӰЧӰРГЕН АЙ 5
КУДАЙДЫҤ СӦЗИНДЕГИ ЭРЈИНЕЛЕР | ИОВ 11—12
Кӧгӱс кӱмӱштер бедирейдис
w08-U 1/8 11, абз. 6
Чыдап келген балала канайып куучындажар?
▪ «Бала нени айдып турганын мен оҥдоп тургам ба?» Иов 12:11-де айдылган: «Канайып тил курсактыҥ амтамын оҥдоп јат, анайып ла кулак сӧстӧрдиҥ учурын оҥдоп јат». Уулы эмезе кызы нени айдарга турганын оҥдоп алары сӱреен учурлу болот. Андый балдар кӧп учуралдарда неме айтса, кату эдип айдат. Темдектезе, «Сен мениле јаантайын јаш бала чылап куучындажадыҥ!», эмезе «Сен мени качан да укпай јадыҥ!». Темдектезе, «Сен мениле јаантайын јаш бала чылап куучындажып тургаҥ» деген сӧстӧр, «Сен меге бӱтпей тургаҥ» дегенин темдектеер аргалу. «Сен мени качан да укпай јадыҥ» деген сӧстӧр, «Мен сеге нени айдарга турганымды оҥдозоҥ!» дегенин темдектеер аргалу. Бала ол сӧстӧрлӧ нени айдарга сананганын оҥдоорго, јаантайын албаданыгар.