Бастыра телекейде амыр-энчӱге јединерге нениҥ учун кӱч болот?

Библиялык каруу

Албатыныҥ бу телекейге амыр-энчӱ эдерге албаданганы, канча бир шылтактардаҥ улам келишпей, јакшыга экелбеди:

• «Кижи бойыныҥ... алтамдарын башкарып болбос» (Иеремия 10:23). Албатыда бойыла башкарар аргазы да, јаҥы да јок, оныҥ учун ол јердиҥ ӱстинде амыр-энчӱни тургузып болбос.

• «Аргадаар аргазы јок кинчектӱ башкараачыларга иженбегер. Оныҥ тыны чыгып, ол ойто тоозын болуп калат. Ол кӱнде оныҥ сананар аргазы јоголып калат» (Сарын 146:3, 4). Кандый да јакшы кӱӱн-санаалу башкараачылар јердиҥ ӱстинде јуу-чакты токтодып болбос.

• «Калганчы кӱндерде уур-кӱч ӧйлӧр келер. Улус... казыр болор, јакшыны јаман кӧрӧр, садынчак болор, сананбас, улуркак болор» (2 Тимофейге 3:1—4). Бис бу калју телекейдиҥ учында јададыс, оныҥ учун улустыҥ кылык-јаҥы јаман јанына солынганынаҥ улам, телекейде амыр-энчӱге јединерге кӱч.

• «Јерге ле талайга ачу-корон! Слерге кӧрмӧс тӱшкен. Ол ӧйи ас болгонын билип, тыҥ атыйланып калган» (Ачылта 12:12). Кудайдыҥ ӧштӱзи, Дьявол, јерде кынјыладып койгонынаҥ улам, улусты оныҥ јаман кылык-јаҥын алынзын деп кӱӱнзедип јат. Дьявол «бу телекейдиҥ кааны» болуп турган тушта, бис качан да амыр-энчӱге јединбезис (Иоанн 12:31).

• «[Кудайдыҥ Каандыгы] бастыра каандыктарды јоголтып, бойы ӱргӱлјиге турар» (Даниил 2:44). Амыр-энчӱге јединетен санаабысты кижиниҥ кандый да башкарузы эмес, је Кудайдыҥ Каандыгы тургузар (Сарын 145:16).