Кудайдыҥ Каандыгы башкарып јат!

Кудайдыҥ Каандыгы теҥериде 1914 јылда башкарып баштаган. Бу ӧйдӧҥ ала улустыҥ башкаруларына калганчы кӱндер арткан. Бис мыны кайдаҥ билерис? Бу керегинде Агару Бичиктиҥ судурларын, анайда ок 1914 јылдаҥ ала улустыҥ кылык-јаҥыныҥ ла ар-бӱткенниҥ канайып ӱрелгенин кӧрӱп ийектер.

1. Агару Бичиктиҥ судурлары нени кӧргӱзет?

Даниилдиҥ бичигинеҥ Кудайдыҥ Каандыгы «јети ӧйдиҥ» учында башкарып баштаар деп кычырадыс (Даниил 4:16, 17). Иисус Христос ол ӧйди «албатыларга берилген ӧй» деп айткан (Лука 21:24). Је Иисус јерде јӱрерде бу ӧй божоголок болгон. Јети ӧй 1914 јылда божоп калган деп, оноҥ ары кӧрӧрис.

2. 1914 јылдаҥ ала јӱрӱм канайып солынган?

Иисустыҥ ӱренчиктери оноҥ сураган: «Каан болуп отурганыҥныҥ, бу телекейдиҥ учы јууктаганыныҥ, темдеги кандый болор?» (Матфей 24:3, ЈТ). Иисус олорго Кудайдыҥ Каандыгыныҥ Кааны болуп отурганыныҥ кийнинеҥ телекейдеги јӱрӱм кандый болорын судурлап берген. Иисустыҥ судурыла болзо, јердиҥ ӱстинде јуу-согуш, торолош ло јерсилкиништер болор. (Матфей 24:7 кычырыгар.) Анайда ок калганчы кӱндерде улустыҥ кылык-јаҥы ӱрелер, мынаҥ улам јӱрӱм коркышту кӱч болуп калар (2 Тимофейге 3:1—5). Айдарда, 1914 јылдаҥ ала бу судурлардыҥ бӱдӱп турганын телекейдеги айалганаҥ кӧрӱп јадыс.

3. Кудайдыҥ Каандыгы башкарып баштаарда, јӱрӱм нениҥ учун кӱч болуп калган?

Иисус Каан болуп отурарда, теҥериде Сатана ла оныҥ кӧрмӧстӧрине удура јуу-согуш баштаган. Бу јуу-согушты Сатана ойнотыртып ийген. Агару Бичикте айдылганыла, Сатана «јерге ташталган, ангелдери кожо ташталгандар» (Ачылта 12:9, 10, 12). Бу ӧйдӧҥ ала Сатана тыҥ атыйланып јат. Нениҥ учун дезе ол удабас јоголтылып калар. Мынаҥ улам ол улуска коркышту јаан кыйын-шыра јетирип јат. Оныҥ да учун јӱрӱм андый кыйналганду болуп калган. Је Кудайдыҥ Каандыгы бу уур-кӱчтердиҥ аайына чыгып салар!

ТЕРЕҤЖИДЕ КӦРӰГЕР

4. Библиялык хронологияны кӧрзӧ, 1914 јылга келедис

ВИДЕО: «Кудайдыҥ Каандыгы 1914 јылда башкарып баштаган» (5:02)

Кудай Навуходоносорго, јебрен Вавилонныҥ каанына, келер ӧйдӧ не болоры керегинде тӱш кӧргӱскен. Даниилдиҥ јартаганыла болзо, бу тӱш Навуходоносордыҥ да, Кудайдыҥ Каандыгыныҥ да башкарузын кӧргӱзет. (Даниил 4:17 кычырыгар.)a

Даниил 4:20—26 кычырып, таблицаныҥ болужыла бу сурактарды шӱӱжип ийигер:

• А. Навуходоносор каан тӱш јеринде нени кӧргӧн? (20 ле 21 ӱлгерлерди кӧрӱгер.)

• Б. Бу агашла не болор керек болгон? (23 ӱлгерди кӧрӱгер.)

• В. Јети ӧйдиҥ учында не болор керек болгон? (26 ӱлгерди кӧрӱгер.)

Агаш керегинде тӱш Кудайдыҥ Каандыгыла кандый колбулу?

СУДУР (Даниил 4:20—36)

Башкарганы

А. Коркышту јаан агаш

Башкарбай барганы

Б. «Агашты кезе чабыгар», «јети ӧй ӧткӧнчӧ» турзын

Ойто башкарып баштаганы

В. «Ойто каан болуп отурарыҥ»

Судурдыҥ баштапкы катап бӱткени:

• Г. Агаш кемди темдектеген? (22 ӱлгерди кӧрӱгер.)

• Д. Бу каанныҥ башкарузы канайып токтогон? (Даниил 4:29—33 кычырыгар.)

• Е. Јети ӧйдиҥ учында Навуходоносорло не болгон? (Даниил 4:34—36 кычырыгар.)

БАШТАПКЫ КАТАП БӰТКЕНИ

Башкарганы

Г. Вавилонныҥ кааны Навуходоносор

Башкарбай барганы

Д. Б. э. озо 606 јылдыҥ кийнинде Навуходоносор аймап јат. Оноҥ улам ол јети јылдыҥ туркунына башкарып болбогон

Ойто башкарып баштаганы

Е. Навуходоносорго сагыжы кирип келерде, ол ойто башкарып баштаган

Судурдыҥ экинчи катап бӱткени:

• Ж. Агаш кемди темдектеген? (1 Летопись 29:23 кычырыгар.)

• З. Бу каандардыҥ башкарузы канайып токтогон? Иисус јерде болордо, бу каандар башкарып баштагалак болгон деп кайдаҥ билерис? (Лука 21:24 кычырыгар.)

• И. Олордыҥ башкарузы кайда ла качан орныктырылган?

ЭКИНЧИ КАТАП БӰТКЕНИ

Башкарганы

Ж. Израильдиҥ каандары. Иегова олор ажыра башкарган

Башкарбай барганы

З. Иерусалим јууладып койгон. Израильдиҥ каандарыныҥ башкарузы 2520 јылга токтоп калган

Ойто башкарып баштаганы

И. Иисус теҥериде Кудайдыҥ Каандыгыныҥ кааны болуп отурган

5. 1914 јылдаҥ ала јӱрӱм коркышту тыҥ солынып калган

ВИДЕОНЫ кӧрӱгер.

ВИДЕО: «1914 јылдаҥ ала јӱрӱм коркышту тыҥ солынып калган» (1:10)

Кудайдыҥ Каандыгы башкарып баштаза, јӱрӱм канайып ӱрелерин Иисус судурлап салган. Лука 21:9—11 кычырып, суракты шӱӱжип ийигер:

• Бу ӱлгерлерде бичилген сӧстӧрдиҥ бӱдӱп турганын кӧрӧдӧӧр бӧ?

Апостол Павел калганчы кӱндерде улустыҥ кылык-јаҥы кандый болорын бичип салган. 2 Тимофейге 3:1—5 кычырып, суракты шӱӱжип ийигер:

• Бӱгӱнги кӱнде улустыҥ кылык-јаҥы мынайып ӱрелип калганын кӧрӧдӧӧр бӧ?

6. Каандык башкарып јат. Биске нени эдер керек?

Матфей 24:3, 14 кычырып, сурактарды шӱӱжип ийигер:

• Кудайдыҥ Каандыгы эмди ле башкарып турганы бастыра јердиҥ ӱстинде ӧдӱп турган јаан учурлу кандый иштеҥ кӧрӱнет?

• Слер бу ишке канайып туружар аргалу?

Кудайдыҥ Каандыгы башкарып јат, удабас ол бастыра јерле башкарар. Еврейлерге 10:24, 25 кычырып, суракты шӱӱжип ийигер:

• «Кайраканныҥ кӱни јууктап келеткенин кӧрӱп» бистиҥ кажыбыс ла нени эдер учурлу?

ТӦС ШӰӰЛТЕЗИ

Агару Бичиктеги судурлар ла јердиҥ ӱстиндеги айалга Кудайдыҥ Каандыгы башкарып јат деп кӧргӱзет. Бис бого бӱдӱп турганысты улуска Каандык керегинде куучындап турганысла, анайда ок јуунныҥ туштажуларына јӱрӱп турганысла кӧргӱзедис.

Нени билип алдыгар?

• Даниилдиҥ бичигинде судурлалган јети ӧй божоп каларда не болгон?

• Кудайдыҥ Каандыгы 1914 јылда башкарып баштаган деп, слер нениҥ учун бӱдӱп турганаар?

• Кудайдыҥ Каандыгы башкарып јат деп бӱдӱп турганаарды канайып кӧргӱзер эдеер?

ШИҤДЕЙТЕН МАТЕРИАЛ

Тӱӱкичилер ле ӧскӧ дӧ улус 1914 јылдаҥ ала телекейдиҥ солынганы керегинде нени айдып турганын билип алыгар.

«Кылык-јаҥныҥ коркышту тыҥ ӱрелгени» («Ойгоныгар!», 2007 јыл, кандык ай)

Бир эр кижиниҥ јӱрӱми Матфей 24:14 бичилген судурды билип аларда канайып солынган?

«Бейсбол мениҥ јӱрӱмим болгон!» («Каруулчы шибее», № 3 2017)

Даниилдиҥ 4-чи бажалыгындагы судур Кудайдыҥ Каандыгы керегинде айдат деп, бис кайдаҥ билерис?

«Кудайдыҥ Каандыгы качан башкарып баштаган? (1 бӧлӱги)» («Каруулчы шибее», 2014 јыл, ӱлӱрген ай 1)

Даниилдиҥ 4-чи бажалыгында айдылган јети ӧй 1914 јылда божоп калган деп, нениҥ учун айдарга јараар?

«Кудайдыҥ Каандыгы качан башкарып баштаган? (2 бӧлӱги)» («Каруулчы шибее», 2014 јыл, кӱчӱрген ай 1)