34 УРОК
Иегованы сӱӱп турганысты канайып кӧргӱзерис?
Агару Бичикти ӱренип тура, Кудайга јуук боло бергенеерди сезедеер бе? Слердиҥ Кудайла колбулараар оноҥ јуук болуп калзын деп кӱӱнзейдеер бе? Эйе болзо, Иеговага сӱӱжеер канча ла кире тыҥ болзо, ол слерди оноҥ тыҥ сӱӱр ле баалаар деп ундыбагар. Слер Кудайды сӱӱп турганаар деп канайып кӧргӱзереер?
1. Иегованы сӱӱп турганысты канайып кӧргӱзерис?
Иегованыҥ сӧзин угуп турзаас, ого сӱӱжисти кӧргӱзедис. (1 Иоанн 5:3 кычырыгар.) Ол кемди де оныҥ јасактарыла јӱрзин деп албадабай јат. Ол карын кажы ла кижиге оныҥ сӧзин угатан ба, укпайтан ба деп талдайтан арга берет. Нениҥ учун Иегова анайып эдет? Нениҥ учун дезе ол бисти бастыра јӱрегистеҥ ого сӧсуккур болзын деп кӱӱнзейт (Римдегилерге 6:17). Бис оны угар учурлу ла дейле уксын деп эмес, је оны сӱӱштеҥ улам уксын деп, Кудай кӱӱнзеп јат. Бу бичиктиҥ 3-чи ле 4-чи бӧлӱктери биске Иеговага јарап турган керектер эдерге, је јарабай турган керектер этпеске ӱренерге болужар.
2. Биске Иеговага сӧсуккур болорго кезикте нениҥ учун кӱч болуп јат?
Агару Бичикте: «Чындык кижиде кӧп уур-кӱчтер болот» — деп айдылат (Сарын 34:19). Бистиҥ кажыбыста ла уйан јандарыс бар. Анайда ок бис акча-манат јанынаҥ, справедливость јогыла, оноҥ до ӧскӧ уур-кӱчтерге табартадыс. Кезик айалгаларда Иегованыҥ сӧзин угарга јеҥил эмес болот. Је андый да болзо, Иегованыҥ айтканы аайынча этсеер, слерге Иегованыҥ кӧрӱм-санаазы эҥ ле баалу болгонын кӧргӱзедигер. Мынайып эдип турзаар, слер Кудайга чындык болодоор. А Кудай бойыныҥ јанынаҥ слерге чындык болуп, слерди качан да артыргыспас. (Сарын 4:3 кычырыгар.)
ТЕРЕҤЖИДЕ КӦРӰГЕР
Нениҥ учун Иегова сӧсуккур болорын сӱреен тыҥ баалап јат ла ого чындык артарга, слерге не болужар деп билип алыгар.
3. Кажы ла кижиге кӧдӱрилген сурак
Агару Бичиктиҥ Иов деп бичигинеҥ Сатана јӱк ле Иов деп кижини бурулаган эмес, је Иеговага сӧсуккур болорго кӱӱнзеп турган ончо улусты бурулап турганын билип аладыс. Иов 1:1, 6—2:10 кычырып, сурактарды шӱӱжип ийигер:
Сатана Иовты не деп бурулаган? (Иов 1:9—11 кӧрӱгер.)
Сатана ончо улусты, ол тоодо слерди, не деп бурулайт? (Иов 2:4 кӧрӱгер.)
Иов 27:5б кычырып, суракты шӱӱжип ийигер:
Иов Иегованы чыннаҥ ла сӱӱп турган деп канайып кӧргӱскен?
Иов Иеговага чындык артканыла ого сӱӱжин кӧргӱскен
Бис Иеговага чындык артсаас, ого сӱӱжисти кӧргӱзерис
4. Иегованы сӱӱндиригер
Укаа сӧстӧр 27:11 кычырып, суракты шӱӱжип ийигер:
Слер ойгор болуп, Иеговага сӧсуккур болзоор, ондо кандый сезимдер болот? Нениҥ учун?
5. Слер Иеговага чындык болор аргалу
Иегованы сӱӱп турзаас, бис ол керегинде улуска куучындаарга кӱӱнзеерис. Кудайга чындык болгоныс, кӱч те болзо, јарлаарга болужар. ВИДЕОНЫ кӧрӱп, сурактарды шӱӱжип ийигер:
Улуска Иегова керегинде куучындаарга слерге кӱч болот по?
Грейсонго коркыбаска не болушкан?
Иегова нени сӱӱп турган, оны сӱӱп, нени кӧрӧр кӱӱни јок, оны кӧрӧр кӱӱнис јок болзо, ого чындык артарга јеҥил болор. Сарын 97:10 кычырып, сурактарды шӱӱжип ийигер:
Иегова нени сӱӱп јат? Нени кӧрӧр кӱӱни јок?
Јакшыны сӱӱрге ле јаманды кӧрӧр кӱӱнис јок болзын деп канайып ӱренип алар?
6. Иегованыҥ сӧзин угуп турзаас, биске бойыска ла тузалу болот
Кудайдыҥ сӧзи аайынча эдери — јаантайын ойгор болот. Исайя 48:17, 18 кычырып, сурактарды шӱӱжип ийигер:
Иегова биске не јакшы болорын билер деп, слер бӱдедеер бе? Нениҥ учун?
Агару Бичиктеҥ алган билгирлер ле чындык Кудай керегинде билип алганаар слерге кандый туза экелди?
КЕЗИК УЛУС АЙДАТ: «Мен канай јӱргеним, Кудайга керек те јок».
Иеговада чыннаҥ ла кандый сезимдер болуп турганын јартаарга, слер кижиге кандый ӱлгер кӧргӱзер эдеер?
ТӦС ШӰӰЛТЕЗИ
Иеговага сӱӱжигерди кӧргӱзерге, кӱчтер де болуп турза, ого сӧсуккур болуп, чындык артыгар.
Нени билип алдыгар?
Иовтыҥ теминеҥ слер неге ӱренип алдаар?
Иегованы сӱӱп турганаар деп слер канайып кӧргӱзереер?
Иеговага чындык артарга слерге не болужар?
ШИҤДЕЙТЕН МАТЕРИАЛ
Иеговага ла јуунга чындык болгоноорды канайып кӧргӱзер аргалу деп билип алыгар.
Сатана улусты канайып бурулаганы керегинде кӧптӧдӧ билип алыгар.
«Иов чындык артат» («Агару Бичик ле оныҥ тӧс темазы», 6 бӧлӱк)
Балдар да Иеговага сӱӱжин кӧргӱзер аргалу.
Балдар јажыт балдардыҥ удурлажузына да кӧрбӧй, Кудайга канайып чындык артар аргалу?