36 УРОК
Кайда ла болзоор, тӧгӱндебей јӱрӱгер
Кажы ла кижи тӧгӱндебей турган најылу болорго кӱӱнзейт. Иегова оныҥ најылары база тӧгӱндебей јӱрзин деп кӱӱнзеп јат. Је бистиҥ јаткан телекейде кӧп саба улус тӧгӱндеп јат. Оныҥ учун тӧгӱндебей јӱрерге јеҥил эмес. Айдарда, тӧгӱндебей јӱреринде туза бар ба?
1. Тӧгӱндебей јӱрериниҥ тӧс шылтагы кандый?
Тӧгӱндебей турзаас, бис Иегованы сӱӱп ле оны тооп турганысты кӧргӱзип јадыс. Сананып ийзеер де: Иегова бистиҥ ончо санааларысты билер ле эдип турган керектеристи кӧрӱп турган (Еврейлерге 4:13). Темдектезе, бистиҥ тӧгӱндебей турганысты кӧрӱп, Иегова тыҥ сӱӱнип јат. Оныҥ сӧзинде айдылат: «Тӧгӱнчи кижи Иеговага јескинчилӱ, је чындык кижи оныҥ јуук најызы болот» (Укаа сӧстӧр 3:32).
2. Бир де тӧгӱндебей канайып јӱрер?
Иегова бисти бой-бойысты бир де тӧгӱндебезин деп кӱӱнзейт (Захария 8:16, 17). Бу не дегени? Бис билегистиҥ улузына, кожо иштеп турган улуска, христиан ака-эјелериске ле јаҥныҥ улузына тӧгӱндебезис ле чын болгон керекти ӧскӧртӧ айтпазыс. Ак-чек улус уурданбай да јат, тӧгӱндебей де јат. (Укаа сӧстӧр 24:28 ле Эфестегилерге 4:28 кычырыгар.) Олор ончо налогторды тӧлӧп јат (Римдегилерге 13:5—7). Анайда ок јӱрӱмниҥ кажы ла јанында, «ончозында чын эдип јӱрерге кӱӱнзейдис» (Еврейлерге 13:18).
3. Тӧгӱндебей јӱрериниҥ тузазы неде?
Улус бисти тӧгӱндебес кижи деп билер болзо, олор биске бӱдӱп јӱрер. Јуунда кем де тӧгӱндебей турза, јуун бир биледий нак болор. Анайда ок тӧгӱндебей турзаас, ару уйатту болодыс, керек дезе «Кудай Аргаадачыбыстыҥ ӱредӱзин» јарандырып, улусты чындыкка јууктададыс (Титке 2:10).
ТЕРЕҤЖИДЕ КӦРӰГЕР
Иегова слерди нениҥ учун тӧгӱндебей јӱрзин деп кӱӱнзейт деп билип алыгар: тӧгӱндебей јӱрери слерге кандый туза берет ле башка-башка айалгаларда тӧгӱндебей турарга нени эдер керек?
4. Тӧгӱндебей јӱрери Иегованы сӱӱндирет
Сарын 44:21 ле Малахия 3:16 кычырып, сурактарды шӱӱжип ийигер:
Чынды јажырып ийерге јараар деп сананары нениҥ учун ойгор эмес?
Слер канайып сананадаар, биске тӧгӱндебеске јеҥил эмес те болзо, је тӧгӱндебей турзаас, Иеговада кандый сезимдер болот?
Балдар тӧгӱндебей, чынды айдып турза, ада-энезин сӱӱндирет. Бис тӧгӱндебей, чынды айдып турзаас, Иегованы сӱӱндиредис
5. Тӧгӱндебей јӱрӱгер
Кӧп саба улус тӧгӱндебей јӱреринде туза јок деп бодогылайт. Је нениҥ учун бир де тӧгӱндебес керек деп билип алыгар. ВИДЕОНЫ кӧрӱгер.
Еврейлерге 13:18 кычырып, бис канайып тӧгӱндебей јӱрерис деп шӱӱжип ийигер:
биледе;
иште эмезе школдо;
ӧскӧ айалгаларда.
6. Тӧгӱндебей јӱрериниҥ тузазы
Тӧгӱндебей, чынды айдып турары уур-кӱчтерге экелердеҥ айабас. Је тӧгӱндебей јӱрери ол сӱреен јакшы кылык-јаҥ деп, учы-тӱбинде кӧрӱне берет. Сарын 34:12—16 кычырып, суракты шӱӱжип ийигер:
Тӧгӱндебей јӱрериниҥ тузазы кандый?
А. Тӧгӱндебей јӱрери билениҥ колбузын тыҥыдат
Б. Тӧгӱндебес кижиге иште бӱдӱп јат
В. Тӧгӱндебес улусты јаҥныҥ улузы јакшы кӧрӧт
КЕЗИК УЛУС АЙДАТ: «Бир кичинек тӧгӱннеҥ не де болбос».
Иегова кандый ла тӧгӱнди кӧрӧр кӱӱни јок деп, слер канайып јартаар эдеер?
ТӦС ШӰӰЛТЕЗИ
Иегова оныҥ најылары кайда ла тӧгӱндебей, ак-чек јӱрзин деп кӱӱнзейт: айдып турган сӧстӧриле, эдип турган керектериле.
Нени билип алдыгар?
Тӧгӱндебей јӱрери недеҥ кӧрӱнет?
Чынды јажырып ийерге јараар деп сананары нениҥ учун ойгор эмес?
Слер нениҥ учун бир де тӧгӱндебей јӱрерге кӱӱнзейдеер?
ШИҤДЕЙТЕН МАТЕРИАЛ
Ада-энелер балдарын тӧгӱндебей јӱрзин деп канайып ӱредер?
Берип салган сӧзиҥди бӱдӱрери нениҥ учун тузалу болот?
Јаҥдар налогторды канайып тузаланып турганыла јӧпсинбей де турган болзоос, нениҥ учун налогторды тӱҥей ле тӧлӧӧр керек?
«Налогтор. Олорды тӧлӧӧр керек пе?» («Каруулчы шибее», 2011 јыл, сыгын ай 1)
Ойындарга тыҥ кирип калган тӧгӱнчи кижи канайып тӧгӱндебес болуп калган?