Калганчы кӱндерде ӧштӧжип турган каандар

Бу схемада кӧргӱзилген кезик судурлар бир ле ӧйдӧ бӱдӱп јат. Бу судурлар «калганчы кӱндерде» јадып турганысты кӧргӱзет (Дан. 12:4).

Бу схемада, 1870 јылдардаҥ ала бистиҥ кӱндерге јетире, судурлардыҥ бӱткени кӧргӱзилген, анайда ок бу ӧйдӧ тӱндӱк ле тӱштӱк каандар кемдер болгоны кӧргӱзилген.

Ӱлгерлер: Ачыл. 11:7; 12:13, 17; 13:1—8, 12

Судур: Аҥ јерди муҥ јылдарга башкарат. Калганчы кӱндерде оныҥ јетинчи бажы шыркалаткан. Је шырказы јазыларда, «јерде јуртаган ончо улус... аҥныҥ кийнинеҥ барган». Сатана аҥды ӱй кижиниҥ «арткан ач-ӱрениле [калдыгыла]... јуулажарга» тузаланат.

Бӱткени: Чайыктыҥ кийнинеҥ, Иеговага удурлашкан башкарулар тӧзӧлгӧн. Кӧп чактар ӧдӧ берерде, Баштапкы телекейлик јуу-согуштыҥ ӧйинде, Британияныҥ империязы кӱчин јылыйткан. Је Бириктирилген Штаттар оныҥ союзниги боло берерде, ол ойтодоҥ ийде-кӱч алынган. Калганчы кӱндерде, Сатана политикалык системазыла Кудайдыҥ албатызын истежет.
Ӱлгерлер: Дан. 11:25—45

Судур: Калганчы кӱндердиҥ ӧйинде тӱндӱк ле тӱштӱк каандардыҥ ӧштӧшкӧни.

Бӱткени: Германия ла Англо-Американский держава бой-бойына удурлажып јат. 1945 јылда СССР ла оныҥ союзниктери тӱндӱк каан болуп калат. 1991 јылда СССР аҥтарылып калат. Кийнинде Россия тӱндӱк каан болуп чыгат.
Ӱлгерлер: Иса. 61:1; Мал. 3:1; Лука 4:18

Судур: Мессиан Каандык тургузылардаҥ озо, Иегова јолды арчып салатан «элчи» ийет. Бу «элчи» «јобош улуска сӱӱнчилӱ јар јетирип» јат.

Бӱткени: 1870 јылдаҥ ала Ч. Т. Расселл ле оныла кожо тоолу улус Агару Бичикти јазап шиҥдеп јат. Олор Агару Бичик чыннаҥ неге ӱредип турганын оҥдоп аларга ла оны улуска јартаарга албаданат. 1880 јылдарда олор, Кудайдыҥ ишчилери јарлаар учурлу деп оҥдоп баштаган. Оныҥ учун «Требуется 1 000 проповедников» ло «Помазаны проповедовать» деген јӧрмӧлдӧр чыгат.
Ӱлгерлер: Матф. 13:24—30, 36—43

Судур: Ӧштӱ буудайдыҥ ортозында баргаа ӧлӧҥ отургызат. Бу баргаа ӧзӱп келерде, буудай кӧрӱнбей барат. Аш јуунадар ӧйдӧ баргааны буудайдаҥ ылгаштырып јат.

Бӱткени: 1870 јылдаҥ ала чын христиандардыҥ ла тӧгӱн христиандардыҥ башказы оноҥ јарт кӧрӱнип јат. Калганчы кӱндердиҥ ӧйинде ангелдер чындык христиандарды тӧгӱн христиандардаҥ ылгаштырып, јууп јат.
Ӱлгерлер: Дан. 2:31—33, 41—43

Судур: Башка-башка темирдеҥ турган статуя. Оныҥ буттары, шагайынаҥ ала таманына јетире (ступни), темирдеҥ ле той балкаштаҥ эдилген.

Бӱткени: Той балкаш Улубританияда ла США-да јадып турган тегин ле улусты темдектейт. Олор ороонныҥ политиказына удурлажат. Мынаҥ улам Англо-Американский держава темирдий ийде-кӱчин бӱткӱл тузаланып болбой јат.
Ӱлгерлер: Матф. 13:30; 24:14, 45; 28:19, 20

Судур: Буудайды аш салар јерге јууйт; бӱдӱмјилӱ ле керсӱ кул айылдагы улусты кичеезин деп тургузылган. Каандык керегинде сӱӱнчилӱ јар јер ӱстине јарлалып башталат.

Бӱткени: 1919 јылда Кудайдыҥ албатызын кичеер бӱдӱмјилӱ кул тургузылган. Бу ӧйдӧҥ ала Агару Бичиктиҥ Шиҥдеечилери јарлаар ишке оноҥ эрчимдӱ туружып јадылар. Бӱгӱнги кӱнде Иегованыҥ Керечилери 200-теҥ кӧп ороондордо јарлайт ла Агару Бичикке тӧзӧлгӧн материалдарды 1 000 ажыра тилдерге чыгарат.
Ӱлгерлер: Дан. 12:11; Ачыл. 13:11, 14, 15

Судур: Эки мӱӱстӱ аҥ јердеги јаткан улуска јети башту аҥныҥ сӱрин этсин деп айдат, оноҥ ол бу сӱрди тындандырып ийет.

Бӱткени: Англо-Американский телекейлик державаныҥ болужыла Лига Наций деп организация тӧзӧлӧт. Бу организацияга ӧскӧ дӧ ороондор јӧмӧжӧт. Анайда ок Лига Нацийге тӱндӱк каан кирет, је јӱк ле 1926 јылдаҥ ала 1933 јылга јетире. Улус, Лига Наций ле оны солыган ООН деп организация бастыра јердиҥ ӱстинде амыр-энчӱ тургузар деп бӱдет. Је андый арга јӱк Кудайдыҥ Каандыгында бар.
Ӱлгерлер: Дан. 8:23, 24

Судур: Коркынчылу бӱдӱштӱ аҥ «кайкамчылу јоголтыш» эдет.

Бӱткени: Англо-Американский телекейлик держава коркышту јаан јоголтыш эдет. Анайып, США Экинчи телекейлик јуу-согушта Англо-Американский телекейлик державага удура јуулажып турган ороондордыҥ бирӱзине эки атомный бомба таштап јат. Бу бомбалардаҥ улам коркышту јаан јоголтыш, ол эмезе тӱбек болгон.
Ӱлгерлер: Дан. 11:31; Ачыл. 17:3, 7—11

Судур: Он мӱӱстӱ кызыл аҥ тӱби јок јердеҥ чыгат. Бу сегизинчи каан. Даниилдиҥ бичигинде бу каан «јоголтыш экелетен быјар» деп адалат.

Бӱткени: Экинчи телекейлик јуу-согуштыҥ ӧйинде Лига Наций чынынча нени де этпеген. Јуу-согуштыҥ кийнинеҥ оныҥ јерине ООН туруп алат. Албатылар бастыра јердиҥ ӱстинде амыр-энчӱни јӱк ле Кудайдыҥ Каандыгы тургузар деп бӱдердиҥ ордына, ООН-го Лига Нацийге ле чилеп иженип јадылар. Келер ӧйдӧ ООН-го јӧмӧжип турган ороондор кудай јаҥныҥ организацияларына табару эдер.
Ӱлгерлер: 1 Фес. 5:3; Ачыл. 17:16

Судур: «Амыр, кайдаҥ да јеткер јок» деп јар јарлалат. Он мӱӱс ле аҥ балыр ӱй кижиге табару эдип, оны јоголтып јат. Мыныҥ кийнинде албатылар база јоголтылып јат.

Бӱткени: Албатылар амыр-энчӱге ле јеткер јогына јединип алган деп айдыжат. Оныҥ кийнинде, ООН-го јӧмӧжип турган албатылар тӧгӱн кудай јаҥдардыҥ организацияларын јоголтып јатса, улу тӱбек башталат. Улу тӱбек Сатананыҥ телекейин Армагеддондо јоголторыла тӱгенер.
Ӱлгерлер: Иез. 38:11, 14—17; Матф. 24:31

Судур: Гог Кудайдыҥ албатызыныҥ јерлерине кирет. Оныҥ кийнинде ангелдер талдалгандарды јууйт.

Бӱткени: Тӱндӱк каан ӧскӧ башкаруларла кожо Кудайдыҥ албатызына табару эдет. Бу табаруныҥ кийнинеҥ бир эмеш ӧй ӧдӧ берзе, арткан майлаткандар теҥериге алылат.
Ӱлгерлер: Иез. 38:18—23; Дан. 2:34, 35, 44, 45; Ачыл. 6:2; 16:14, 16; 17:14; 19:20

Судур: Ак атка мингени Гогты ла оныҥ черӱзин јеҥип алат. Аҥ отту кӧлгӧ ташталган; коркышту јаан статуя аҥтарылган.

Бӱткени: Иисус, Кудайдыҥ Каандыгыныҥ Кааны, Иегованыҥ албатызын аргадап јат. Ол 144 муҥла, анайда ок ангелдерле кожо албатылардыҥ коалициязын јоголтып салат. Сатананыҥ телекейи јоголып јат.