መዝሙር
ለሙዚቀኞች ቡድን መሪ፤ “ጥፋት አታምጣ” በተባለው ቅኝት። የዳዊት መዝሙር። ሚክታም።* ከሳኦል ሸሽቶ ወደ ዋሻ በገባበት ጊዜ።+
2 ወደ ልዑሉ አምላክ፣
ለእኔ ሲል መከራውን ወደሚያስቆመው ወደ እውነተኛው አምላክ እጣራለሁ።
3 ከሰማይ እርዳታ ልኮ ያድነኛል።+
ሊነክሰኝ የሚሞክረውን ሰው እንዳይሳካለት ያደርጋል። (ሴላ)
አምላክ ታማኝ ፍቅሩንና ታማኝነቱን ያሳያል።+
5 አምላክ ሆይ፣ ከሰማያት በላይ ከፍ ከፍ በል፤
ክብርህ በምድር ሁሉ ላይ ይሁን።+
በፊቴ ጉድጓድ ቆፈሩ፤
ነገር ግን ራሳቸው ገቡበት።+ (ሴላ)
7 ልቤ ጽኑ ነው፤
አምላክ ሆይ፣ ልቤ ጽኑ ነው።+
እዘምራለሁ፤ ደግሞም አዜማለሁ።
8 ልቤ* ሆይ፣ ተነሳ።
ባለ አውታር መሣሪያ ሆይ፣ አንተም በገና ሆይ፣ ተነሱ።
እኔም በማለዳ እነሳለሁ።+
10 ታማኝ ፍቅርህ ታላቅ ነውና፤ እንደ ሰማያት ከፍ ያለ ነው፤+
ታማኝነትህም እስከ ደመናት ድረስ ነው።
11 አምላክ ሆይ፣ ከሰማያት በላይ ከፍ ከፍ በል፤
ክብርህ በምድር ሁሉ ላይ ይሁን።+