መዝሙር

ለሙዚቀኞች ቡድን መሪ። “ጥፋት አታምጣ” በተባለው ቅኝት የሚዜም ማህሌት። የአሳፍ+ መዝሙር።

75 ምስጋና እናቀርብልሃለን፤ አምላክ ሆይ፣ ምስጋና እናቀርብልሃለን፤

ስምህ ከእኛ ጋር ነው፤+

ሰዎችም ድንቅ ሥራዎችህን ያውጃሉ።

2 አንተ እንዲህ ትላለህ፦ “ጊዜ ስወስን

በትክክል እፈርዳለሁ።

3 ምድርና በላይዋ የሚኖሩ ሁሉ ሲቀልጡ፣

ምሰሶዎቿን አጽንቼ ያቆምኩት እኔ ነኝ።” (ሴላ)

4 ጉራቸውን ለሚነዙት “ጉራ አትንዙ” እላለሁ፤

ክፉዎቹንም እንዲህ እላለሁ፦ “ኃይላችሁን* ከፍ ከፍ አታድርጉ።

5 ኃይላችሁን* ወደ ላይ ከፍ አታድርጉ፤

ወይም በትዕቢት አትናገሩ።

6 ክብር ከምሥራቅም ሆነ ከምዕራብ

ወይም ከደቡብ አይመጣምና።

7 አምላክ ፈራጅ ነውና።+

አንዱን ያዋርዳል፤ ሌላውን ደግሞ ከፍ ከፍ ያደርጋል።+

8 በይሖዋ እጅ ጽዋ አለና፤+

የወይን ጠጁ አረፋ ያወጣል፤ ደግሞም ሙሉ በሙሉ የተደባለቀ ነው።

እሱ በእርግጥ ያፈሰዋል፤

በምድርም ላይ ያሉ ክፉዎች ሁሉ ከነአተላው ይጨልጡታል።”+

9 እኔ ግን ይህን ለዘላለም አውጃለሁ፤

ለያዕቆብ አምላክ የውዳሴ መዝሙር እዘምራለሁ።

10 እሱ እንዲህ ይላልና፦ “የክፉዎችን ኃይል* በሙሉ እቆርጣለሁ፤

የጻድቅ ሰው ኃይል ግን ከፍ ከፍ ይላል።”