ወደ ሌላ ቦታ ለመጓዝ ስትነሱ . . .

ለጉዞ ወይም ለእረፍት ዕቅድ ስታወጣ የመንግሥቱን ጉዳዮች ለማስቀደም የሚረዱህ ጥቂት ማሳሰቢያዎች ከዚህ በታች ሰፍረዋል:-

◼ በአውራጃ ስብሰባ ላይ ለመገኘት ቁርጥ ያለ ዕቅድ ይኑርህ። ችግር ውስጥ እንዳትወድቅ መጓጓዣህንና ማረፊያህን ቀደም ብለህ አዘጋጅ።

◼ የምትጓዘው ለእረፍትም ሆነ ለሌላ ጉዳይ በምትሄድበት ቦታ ባለው ጉባኤ ስብሰባዎች ላይ ለመገኘትና በአገልግሎት ለመካፈል ዕቅድ አውጣ። የመስክ አገልግሎት ሪፖርትህን መመለስ አትርሳ፤ አስፈላጊ ከሆነ ሪፖርቱን ለጉባኤህ ጸሐፊ በፖስታ ላክ።

◼ በእውነት ውስጥ የማይመላለሱ ዘመዶችህን የምትጠይቅ ከሆነ መደበኛ ያልሆነ ውጤታማ ምሥክርነት ለመስጠት አጋጣሚ ሊከፍትልህ ይችላል። መጽሐፍ ቅዱስህንና ጽሑፎች መያዝህን አረጋግጥ።

◼ ክልሉን ለመሸፈን እርዳታ የሚያስፈልገውን በአቅራቢያህ የሚገኝ ጉባኤ ስለመርዳት አስበሃልን? በአካባቢህ አስፈላጊ ስለሆኑ ነገሮች መረጃ ለማግኘት ከሽማግሌዎች ወይም ከወረዳ የበላይ ተመልካቹ ጋር ተነጋገር።

◼ የትምህርት ቤት የእረፍት ጊዜ ወጣቶች የአገልግሎት እንቅስቃሴያቸውን እንዲያሰፉ ግሩም አጋጣሚ ይከፍትላቸዋል። ወጣቶች፣ ረዳት አቅኚ መሆን ትችላላችሁን?

◼ የመጽሐፍ ቅዱስ ጥናቶችህ አንተ በማትኖርበት ጊዜ ከሌላ ሰው ጋር እንዲያጠኑ አመቻች። ከመሄድህ በፊት የመጽሐፍ ቅዱስ ተማሪውን ሊረዳው ይችላል ብለህ እምነት ከምትጥልበት አስፋፊ ጋር አስተዋውቀው።

◼ ሽማግሌዎች የጉባኤው እንቅስቃሴ እንደተደራጀ እንዲቀጥልና ተጓዡ በጉባኤ ውስጥ የሚሠራቸውን ሥራዎች ሌላ ሰው እንዲይዛቸው በማድረግ በኩል ንቁዎች መሆን አለባቸው።

‘በጥንቃቄ ዕቅድ አውጥቶ መሥራት እንደሚጠቅም’ አስታውስ። (ምሳሌ 21:5 የ1980 ትርጉም) የክረምት የእረፍት ጊዜህን በተቻለህ መጠን በቲኦክራሲያዊ እንቅስቃሴዎች ለማሳለፍ ዕቅድ አውጣ።