ወጣቶች—ይሖዋ የቅርብ ጓደኛችሁ ነው?

ምን ዓይነት ባሕርይ ያለው ጓደኛ ቢኖራችሁ ደስ ይላችኋል? ጓደኛችሁ ታማኝ፣ ደግና ለጋስ ቢሆን እንደምትደሰቱ ጥያቄ የለውም። ይሖዋ እነዚህ ባሕርያት በሙሉ አሉት። (ዘፀ 34:6፤ ሥራ 14:17) ወደ እሱ ስትጸልዩ ይሰማችኋል። የእሱን እገዛ ስትፈልጉ ሊረዳችሁ ዝግጁ ነው። (መዝ 18:19, 35) እንዲሁም ስህተት ስትሠሩ ይቅር ይላችኋል። (1ዮሐ 1:9) ይሖዋ በእርግጥም ጥሩ ጓደኛ ነው!

ከይሖዋ ጋር ጓደኝነት መመሥረት የምትችሉት እንዴት ነው? ቃሉን በማንበብ ስለ እሱ ተማሩ። የልባችሁን ግልጥልጥ አድርጋችሁ ንገሩት። (መዝ 62:8፤ 142:2) እሱ ከፍ አድርጎ ለሚመለከታቸው ነገሮች ትልቅ ቦታ እንደምትሰጡ አሳዩ፤ ከእነዚህ መካከል ልጁ፣ መንግሥቱና ስለ ወደፊቱ ጊዜ የሰጣቸው ተስፋዎች ይገኙበታል። ስለ እሱ ለሌሎች ተናገሩ። (ዘዳ 32:3) ከይሖዋ ጋር የቅርብ ወዳጅነት ከመሠረታችሁ እሱ ለዘላለም ጓደኛችሁ ይሆናል።—መዝ 73:25, 26, 28

ወጣቶች—“ይሖዋ ጥሩ መሆኑን ቅመሱ፤ እዩም” የሚለውን ቪዲዮ ተመልከት፤ ከዚያም የሚከተሉትን ጥያቄዎች ለመመለስ ሞክር፦

• 

  ራሳችሁን ወስናችሁ ለመጠመቅ መዘጋጀት የምትችሉት እንዴት ነው?

• 

  በጉባኤው ውስጥ ያሉ ወንድሞችና እህቶች ለይሖዋ በምታቀርቡት አገልግሎት ረገድ ሊረዷችሁ የሚችሉት እንዴት ነው?

• 

  አገልግሎት ከይሖዋ ጋር ያላችሁን ዝምድና የሚያጠናክረው እንዴት ነው?

• 

  የትኞቹ የአገልግሎት መስኮች ተከፍተውላችኋል?

• ከይሖዋ ባሕርያት መካከል የምትወዱት የትኛውን ነው?