2023፦ የጭንቅ ዓመት—መጽሐፍ ቅዱስ ምን ይላል?

በ2023 በዓለም ዙሪያ ያየናቸው ክስተቶች መጽሐፍ ቅዱስ “የመጨረሻዎቹ ቀናት” በማለት በሚጠራው ጊዜ ላይ እንደምንኖር የሚጠቁሙ የማያሻሙ ማስረጃዎች ናቸው። (2 ጢሞቴዎስ 3:1) በአሁኑ ጊዜ በዓለም ላይ ያሉት ክንውኖች መጽሐፍ ቅዱስ ስለ ዘመናችን አስቀድሞ ከተናገረው ነገር ጋር የሚስማሙት እንዴት እንደሆነ ተመልከት።

የመጽሐፍ ቅዱስ ትንቢቶች እና ዓለም አቀፋዊ ክስተቶች

“ጦርነትና የጦርነት ወሬ።”—ማቴዎስ 24:6

• “በብዙ የዓለማችን ክፍሎች ጦርነት እየተስፋፋ ነው።”a

“በተለያየ ስፍራ የምድር ነውጥ።”—ማርቆስ 13:8

• “ከ2023 መጀመሪያ አንስቶ በመሬት መንቀጥቀጥ መለኪያ ከ7 በላይ የተመዘገቡ 13 የምድር ነውጦች ተከስተዋል፤ ይህም እስካሁን ከተመዘገቡት ከፍተኛ ቁጥሮች መካከል አንዱ ነው።”b

“የሚያስፈሩ ነገሮች።”—ሉቃስ 21:11

• “አሁን ላይ ምድራችን ከመሞቅ አልፋ ነዳለች።”—የተባበሩት መንግሥታት ድርጅት ዋና ጸሐፊ አንቶኒዮ ጉቴሬዝc

“የምግብ እጥረት።”—ማቴዎስ 24:7

• “2023፦ ቤተሰባቸውን ለመመገብ ደፋ ቀና ለሚሉ ቤተሰቦች እጅግ ፈታኝ የነበረ ሌላ ዓመት።”d

“ለመቋቋም የሚያስቸግር በዓይነቱ ልዩ የሆነ ዘመን።”—2 ጢሞቴዎስ 3:1

• “በዓለም ላይ ከስምንት ሰዎች አንዱ የአእምሮ ጤና እክል ያጋጥመዋል።”e

በ2024 ምን እንጠብቅ?

መጪው 2024 ምን ነገሮችን ይዞ እንደሚመጣ በእርግጠኝነት መናገር አይቻልም። ሆኖም በዓለም ላይ እየተከናወኑ ያሉት ነገሮች የአምላክ መንግሥት ወይም በሰማይ የተቋቋመው መስተዳድር በቅርቡ ሰብዓዊ መንግሥታትን በመተካት ለመከራና ለጭንቀት መንስኤ የሆኑትን ነገሮች በሙሉ እንደሚያስወግድ ይጠቁማሉ።—ዳንኤል 2:44፤ ራእይ 21:4

እስከዚያው ግን ጭንቀት በሚሰማን ጊዜ አምላክ እንደሚረዳን መተማመን እንችላለን። መጽሐፍ ቅዱስ እንዲህ ይላል፦

“ፍርሃት በሚሰማኝ ጊዜ በአንተ እታመናለሁ።”—መዝሙር 56:3

በአምላክ እንደምንታመን ማሳየት የምንችለው እንዴት ነው? ወደፊት መከራ የሌለበት ጊዜ እንደሚመጣ ስለሚናገረው የመጽሐፍ ቅዱስ ተስፋ ይበልጥ እንድትማር እንጋብዝሃለን። አንተም ሆንክ ቤተሰብህ ከመጽሐፍ ቅዱስ ተስፋዎች ተጠቃሚ መሆን የምትችሉት እንዴት እንደሆነ ለማወቅ በነፃ የምንሰጠውን አሳታፊ የሆነ የመጽሐፍ ቅዱስ ትምህርት ለምን አትሞክረውም?