የምስጋና ጸሎት

1. ይሖዋ ውዳሴ ይገባሃል፤

ሉዓላዊ ነህ ስምህ ከፍ ይበል።

ጸሎት ሰሚ የሆንክ አምላካችን፣

ባንተ እቅፍ መሆን እንሻለን።

በየቀኑ እንበድላለን፤

ደካሞች ነን ሁሉን ይቅር በለን።

በልጅህ ክቡር ደም ተገዝተናል፤

ካንተ መማር እጅግ ደስ ይለናል።

2. ተደስተናል ስለጋበዝከን፣

ወደ ድንኳንህ ስለጠራኸን።

አንተን እንወቅ፤ በቃልህ ምራን።

በመቅደስህ መኖር እንሻለን።

ኃያል ክንድህ እጅግ ያስደንቃል፤

ላገልጋዮችህ ድፍረት ይሰጣል።

ስለ መንግሥትህ እናውጃለን፤

ጸንቶ እንደሚቆም እንሰብካለን።

3. ምድር ትሞላ በበረከትህ፤

ዓለም በሙሉ አንተን ያምልክህ።

መንግሥትህ ያሳይ ያንተን ጥሩነት፤

ይቅርልን ለቅሶ፣ ሐዘንና ሞት።

ልጅህ ያጥፋልን ክፋትን ሁሉ፤

ይደሰቱ ፍጥረታት በሙሉ።

የድል መዝሙር እንዘምራለን፣

“ይሖዋ አምላክ ይወደስ” ብለን።