በአገልግሎት ረገድ ክህሎታችንን ማዳበር​—“ትክክለኛ የልብ ዝንባሌ ያላቸው” ሰዎች ደቀ መዛሙርት እንዲሆኑ መርዳት

አስፈላጊ የሆነው ለምንድን ነው? ይሖዋ የእውነት ዘር “ትክክለኛ የልብ ዝንባሌ” ባላቸው ሰዎች ልብ ውስጥ እንዲያድግ ያደርጋል። (ሥራ 13:48፤ 1ቆሮ 3:7) እኛም አገልግሎታችንን ስናከናውን፣ የተማሩትን ነገር በተግባር ማዋል በሚፈልጉ ሰዎች ላይ ትኩረት በማድረግ ከይሖዋ ጋር አብረን መሥራት እንችላለን። (1ቆሮ 9:26) የመጽሐፍ ቅዱስ ጥናቶቻችን መዳን ለማግኘት፣ ተጠምቀው ክርስቲያን መሆን እንዳለባቸው ማወቅ ይኖርባቸዋል። (1ጴጥ 3:21) የመጽሐፍ ቅዱስ ጥናቶቻችንን በሕይወታቸው ውስጥ ለውጥ እንዲያደርጉ፣ ምሥራቹን እንዲሰብኩና ሰዎችን እንዲያስተምሩ ብሎም ሕይወታቸውን ለይሖዋ እንዲወስኑ በማስተማር ደቀ መዛሙርት እንዲሆኑ መርዳት እንችላለን።—ማቴ 28:19, 20

ይህን ማድረግ የሚቻለው እንዴት ነው?

• የመጽሐፍ ቅዱስ ጥናቶቻችሁን የምታስጠኗቸው፣ ይሖዋን “ማወቅ” እና እሱን በሚያስደስት መንገድ መኖር እንዲችሉ ለመርዳት እንደሆነ አስታውሷቸው።—ዮሐ 17:3

• መንፈሳዊ እድገት እንዳያደርጉ እንቅፋት የሚሆኑባቸውን ነገሮች እንዲያሸንፉ ለምሳሌ መጥፎ ልማዶችን እንዲያስወግዱ እንዲሁም ጥሩ ካልሆኑ ጓደኞች እንዲርቁ እርዷቸው።

• ከመጠመቃቸው በፊትም ሆነ ከተጠመቁ በኋላ አበረታቷቸው እንዲሁም አጠናክሯቸው።—ሥራ 14:22

ይሖዋ አምላክ ይረዳችኋል የሚለውን ቪዲዮ ተመልከት፤ ከዚያም የሚከተሉትን ጥያቄዎች ለመመለስ ሞክር፦

• አንድ ሰው ራሱን ወስኖ ከመጠመቅ ወደኋላ የሚለው የትኞቹን ነገሮች በመፍራት ሊሆን ይችላል?

• ሽማግሌዎች የመጽሐፍ ቅዱስ ጥናቶች እድገት እንዲያደርጉ መርዳት የሚችሉት እንዴት ነው?

• ኢሳይያስ 41:10 ስለ ይሖዋ ምን ያስተምረናል?

• ፍጹማን ባንሆንም ይሖዋን እሱ በሚፈልገው መንገድ ለማገልገል የሚረዱን የትኞቹ ነገሮች ናቸው?