Mihakelong Cangra ci Satanan, Samaanayto ko Teloc?

Ci Atam aci Ifa cowa pitengil a mihakelong to Kawas, teloc mapatayay. Satapangan 3:6, 23

Nitengilan a mihakelong ni Ifa koya ˈoner, komaen to heci noya kilang. Ikor, pafelian ningra ci Atam, komaenay ci Atam.

Cowa pitengil a mihakelong cangra to Kawas, midemak toninian a demak, o raraw kora. Laplap han tono Kawas cangra paliyas toya makapahay a Itin a palosayan.

Cangra ato wawawawa nangra mapadesto ko nika ˈorip. Ci Atam aci Ifa palidlid sato malonay a maliteng, salikor mapatay. Mapatayto cangra cowa ka tayni i noˈadingoan a pala, awaayto materek cangra.

O mapatayay tamdaw mahecaday o sera, awaay ko ˈorip. Satapangan 3:19

Kita o telocteloc ni Atam aci Ifa, mihaenay mapatay maemin ko tamdamdaw. O mapatayay tamdaw cowa pakaˈaraw to maan, cowa pakatengil to maan, cowa pidemak to maan.—Patnakay 9:5, 10.

Ci Yihofa cowa ka kahi mapatay ko tamdaw. Mangataayto papatikolen Ningra paˈorip ko mapatayay. Oya patikolayto maˈorip a tamdaw ano mitengil a mihakelong i Cingraan, o ngangaˈay a tahadaˈoc a maˈorip.