O Tikami no Malohemay Malitengay i Congpo

O satadamaanay a singsi i paro no kakarayan ci Yihofa, sanay ko sowal Ningra kitaanan: ‘Maedeng malo singsito kamo.’ (Hipray 5:​12) Haratengen hena, ci Yihofa mitahidangay kitanan pasifanaˈ to tao mafanaˈ Cingranan, tada o kalikoan no mita! Ano itinito i lomaˈ, kasakopang, anoca itini pitosilan i, padamaen ita ko tamdaw mafanaˈ ci Yihofaan, tada o kalimlaan a ˈinorong konini. Mamisamaan ko demak ita, wa ngaˈ malaheci konini a tayal hani?

O caˈof itiniay i sapatikami no tarokos ci Pawlo i ci Timotian, sanay ci Pawlo: ‘Ka padadotoc kiso misarocod a miasip, to pakalalokay, ato pasifanaˈay a demak, samanen mihaen kiso to demak, ngaˈay milidong to niyah, ngaˈayho milidong to mitengilay tisowanan a tamdaw.’ (1 Timoti 4:​13, 16) O patenakan ita a lihaf mamilidong to ˈorip no tamdaw, mihaenay haw i, papacakaten ita ko piasip ato pasifanaˈay a inaneng no niyah. Oniya kihpicay a cudad pakayniay tonini a araaw ko sapitilid. Nengnengen ita ko ­ilalomaˈay pinapina a kalimlaan.

Kahacecay a fedengan iraay ko midamaay a sinael. Onini a sinael, ­romaroma i, milingatay to safalod no Fangcalay Cudad, o romaroma i, milingatay to ­tinakoan no Fangcalay Cudad

‘O Satadamaanay a Singsi’ ci Yihofa. (Isaya 30:20) Ano todongen iso ko sapaini nonini kihpicay cudad a midemak i, wa itini i piasip ato pasifanaˈay a pakayraan padadotoc a macakat, kawra haratengen, o ci Yihofa ko misolotay to tamdaw, o patenakay kita to lihaf Ningra. (Yohani 6:​44) Mihaenay haw i, mamicangacang kita to fangcalay saocor no Kawas. Mararid misakadademak to Kimad no Kawas. Samacayen itini ci Yihofaan, ao cowa ko niyah. O patosokan ita i, papadama to tamdaw mitongal to olah i Kawas.

Mitahidangay ci Yihofa tisowanan midemak to masakalimlaan a pasifanaˈay a tayal. Pakasoˈlinen ita ano ‘tadiˈecen iso ko sapafeli no Kawas a sapaˈicel i,’ mamadangar iso konini a tayal.​​—⁠1 Pitiro 4:​11.

Kalacafayay tamowanan misarocod to pasifanaˈay a tayal a salikaka,

Governing Body of Jehovahˈs Witnesses