Maharatengayho Iso Han?

Mamafanaˈ kiso pacaˈof to salicay no 2019 miheca a Mikecolay han?

Mikiˈokan ni Yihofa: ‘O sapilood kitaanan a lalosidan, wa awa ko kapo.’ (Isaya 54:17) O maanan ko tatodong no sowal no Kawas hani?

Pakasoˈlinay kita, ano ‘mangolaway ko mariˈangay a tamdaw’ i, oha dadipoten ni Yihofa kita (Isaya 25:4, 5) Awaay ko pakayraan no ˈada ita paira to tahadaˈocay a dokaˈ no mita.​—w19.01, pp. 6-7.

O pakayraan no Kawas micada to Kanan a tamdaw ato cowa ka madimadi a Israil tamdaw, sasamaan paihkal to o masadafdafay a Kawas Cingra hani?

Kaacekan madadiˈiyay a waywayan ato mikariˈangay to pakoyoc ato maponengay a tamdaw, o mamasayfang no Kawas, ano madimadi ko tamdaw to Kawas, masadafdaf ko picada to tao, wa palemeden no Kawas cangra.​—w19.02, pp. 22-23.

Ano fahal sa ira ko cowa pihakelong a tamdaw mitolon, wa misamaanto kita hani?

Wa ngaˈay terep sa kita ato pairaen ko mangodoay waywayan. Kawra cowa ko papasowal kita to “amin”, cowa ko mamikiting to kamay no tao, ngaˈay kita i falocoˈ sa mitolon tono niyah.​—w19.03, p. 31.

O miˈodangay to kaemangay hano pakidemay a raraw hani?

O pakidemay a raraw, o pidokaˈ to mikaˈodangan a kaemangay ato kasakopang, o misafelitay to holic no hekal ato pakararaway ci Yihofaan a waywayan. Ano ira ko saˈosi no holic, o dadofdofen no malohomay malitengay mifanaˈ to dimeng.​—w19.05, pp. 9-10.

Sasamaan kita mifalic to i kemoday a falocoˈ?

Salakat i, mitolon ci Yihofaan, dotoc i, songilaˈen a midotim to o maanan ko fafalicen no niyah, oha mamisongilaˈ a mipiliˈ to cima ko cacawmaˈen no mita.—w19.06, p. 11.

Sasamaan kita misaday misiˈayaw to sapalak hani?

Patanektek to kalalaˈed ita aci Yihofa, pakasoˈlinen to maolahay Cingra kitaanan, cowa ko mamiliyas a mifalah kitaanan. Romiˈamiˈad miˈosi to Fangcalay Cudad, micerid a mitolon, pakasoˈlin to mamalaˈosi maemin ko sapalemed no Hongti Kitakit no Kawas. Misaˈicel minaˈeng i falocoˈ to kaolahan a sinael ato sapahemek to Kawas a radiw.​—w19.07, pp. 2-4.

Sasamaan kita padama to paro no lomaˈ malidong ko ˈorip?

Patado miharateng to nafalocoˈan no paro no lomaˈ, o ngaˈayay a waywayan mikikakaay to adihayay sasowalen, pairaen ko mihadidiay, daˈmaˈen ko sowal.​—w19.08, pp. 15-17.

O pafelian ni Yis kitaanan a tayal, hano mamisayar kitaanan? (Matay 11:28)

Iraay ko sangaˈayay a kantok no mita, sangaˈayay a widang ato tayal.​—w19.09, p. 23-24.

Sasamanen no Kawas paira ko makalimay a falocoˈ no mita a dademak hani? (Filipi 2:13)

Maˈosiay ita ko cecay sinael ato midotim, o Kawas pairato makalimay a falocoˈ no mita a dademak. Tano fangcalay ˈicel Cingra a patongal to na iraay a ˈicel no mita.​—w19.10, p. 21.

O maanan a pakayraan ko papadama kitaanan citaneng ko misaˈosian hani?

Iraay ko 5 pakayraan: Cangacangen ko citanengay a sakayat, mitolon micangacang to taneng, hapinangen ko nafalocoˈan a harateng no niyah, ihkalen ko patosokan, mitolon micangacang to haˈicel.​—w19.11, pp. 27-29.

O coka patay ko saloˈafang a kimad, mikitiniay i misowalan ni Satan ci Ifaan han?

Cowa, ci Satan pasowal ci Ifaan to cowa ko mamapatay sanay, o cowa ka ˈaraw i lalomaˈ no tireng a dafong, wa padadotoc materek i roma pala cowa ka saan. Ikor no Lenlen, kihcod a mararaway pihakelongan malahedawayto. Alatek ˈayaw no patireng ko tamdaw to Papil a maliwasakay tayra i cowacowa i, iraayto ko cowa kapatay ko saloˈafang sanay mararaway a kimad.​—w19.12, p. 15.