“Caay ko Mamatoled a Misawad Kami”

4:16-18

Haratengen hena, iraay ko tatosa paro no lomaˈ maka itiniay i matelangay tatiihay ko pikilomaˈan nangra. O cecay a paro no lomaˈ mahapinangay to tada matoleday ko falocoˈ nangra. Kawra, ora roma a cecay lipahakay cangra. Hano hatira hani? Samanen, ora saka tosa a paro no lomaˈ mamalinah cangra i faelohay makapahay a lomaˈ.

“Tahanini a tomangic a maemin ko masangaˈay a maamaan a matiya o maˈatˈatay a misemsem.” (Loma 8:22) Mafanaˈay kita, soˈliˈlin halafinayto kita misiˈayaw tora pasamoay kitanan a pades, kawra ano patatinakoen to midaˈocay a faelohay a hekal no Kawas i, ˈarawhan o ‘kahemaway caay ka halafin’ kora pades. Samacayen ita minengneng ko sapalemed no Hongti Kitakit no ikor, o papahemek kitanan a caay ko mamatoled.