“Kaemangay Tamdaw—‘Ka ˈIfowa ko Falocoˈ to Fangcalay Demak’”

Mikayatan no Kawas ko tarokos ci Pawlo patikami ci Titusan, palimoˈot to kaemangay tamdaw, mahawpay ci Titus, to mamisaˈicel cangra malo taˈarawan i masamamaanay a fangcalay demak.’ (Titus 2:6, 7) Itira tora fedengan, somowalay ci Pawlo to kakoracen ni Yis ko tamdaw ni Yihofa, ho ˈifowa ko falocoˈ nangra to fangcalay demak. (Titus 2:14) O cecay a fangcalay demak i, o mitosilay ato pasifanaˈay to Hongti Kitakit no Kawas a demak. Ano o kaemangay tamdaw kiso, ngangaˈay kiso sakadademak to ˈicel iso matayal to padamaay anca miceriday a misakafahay han?—Taneng 20:29.

Ano miharatengay kiso to sapisakafahaw i, pairaen ko matatodongay a pilimasmas. (Luka 14:28-30) Licayen iso ko niyah: Ano misakafah kako i, o manan ko sakaˈorip ako hani? Mamisamaan kako mitoor to toki no mitosilay demak hani? Tolonen ci Yihofa pakayni toniya demak. (ˈOlic 37:5) Malalengo to wama wina ato romaroma misakafahay tora limasmas iso. Ikorto i, satapangto a mitoor tora patosokan iso. Ci Yihofa o papalemed tora noka ˈifowa no falocoˈ iso!

MINENGNENG TO IKA: KAEMANGAY TAMDAW PAˈODINGAREN CI YIHOFA, IKOR PACAˈOFEN KORA ILAENOAY SALICAY:

• Toha sapisakafahaw, o romaroma kaemangay tamdaw tahasiˈayaway to manan sapalifet? Samaanay miremo cangra toni demak?

• Sasamaan ko wama wina padama to wawa malo misakafahay?

• Silsilen ko sapitosil a toki hano o masaka limlaan?

• Sasamaan ko salikaka i kasakopang pakalalok ato padama to misakafahay?

• Iraay ko manan sapalemed to misakafahay?