“Cecayho ko Sowal i Tahaf no Kakarayan”

11:1-4, 6-9

Itini nolitengan, paliwasakan ni Yihofa ko miculiay tamdaw nai Papil tayra icowacowa, parawraw to sowal nangra. Anini i, palisopsopan ni Yihofa ko taˈangayay ˈopo a tamdaw nai masasiromaay ko sowal a kasakitakit, pasifanaˈ cangranan to ‘makoracay a sowal’, mihaen i, ‘micangacang cangra to ngangan ni Yihofa, makakapot a midoko Cingranan.’ (Cikariya 3:9; Paˈarawan 7:9) Onini “makoracay a sowal”, o tatodong i, oya pakayniay ci Yihofaan ato araaw Ningra a kimad.

Minanam to faelohay sowal, cowa ko pinanam aca to faelohay a tilid, o hahatatanamen ita ko faelohay a noka piharateng. Mahecaday, ano minanam to “makoracay a sowal” i, o fafalicen ita ko pakayraan a miharateng to demak. (Loma 12:2) Papadotocen a misaˈicel, kawra mihaen to demak i, o papacowat to nika lacecay no tamdaw no Kawas.​—1 Korinto 1:10.