O KAˈORIP NO KRISCIYANG
O Manan ko Mamalifok Iso a Epoc Naitini i Romiˈamiˈad Miasip to Sinael?
O micekiway nanaman iso mahawpay ko miasipay to sinael atora ilaenoay a lalakaw noya Romiˈamiˈad Miasip to Sinael han? Ano cowa i, ngaˈayay haenen iso miasip to romiˈamiˈad han? O ˈalomanay tamdaw paˈayawan toya romiˈad a miasip. Ho ngaˈay cangra miharateng a misimsim ano matayalto cangra. (Yosuwa 1:8; ˈOlic 119:97) Sasamaan kiso milifok to adihayay epoc itini noka piasip hani? Asipen kora fafekangay ato laenoay a sinael ho cipinang to kalaliting nora demak. Haratengen ko maˈoningay i Fangcalay Cudad a demak to misaˈicelay somowal to safalod nora sinael. Ikor, kalasaka dademaken i nokaˈorip iso kora safalod. O Kimad no Kawas ano mifiyor to pisaˈosi iso to demak i, o mamakayat ko kaˈorip iso a ciepoc i tisowanan.—ˈOlic 119:105.
Itini i paro no kakarayan a Pitil misinanotay tora Romiˈamiˈad Miasip to Sinael to kalanaman to dafak. Toniya pina a miheca o noka lalengo nangra pataynian i JW Tilifi kora kamok, itiraay kasasiroma no ika: MIKIRIWIˈAY KAMOK. Hacowaay kiso minengneng hani? Alatek o cecay nora kamok tatodong sanay o misaalian iso a lalakaw. Patinakoen, oya maˈoningay pakayni ci Lotoan mifiyoray to noka pisaˈosi iso han?
Minengneng to ika: Aka ka Olah Toniya Hekal (1 Yohani 2:15), ikor pacaˈofen ko ilaenoay salicay:
O manan a safalod ko nisowalan itini pilengo noni Papacem noka Pidoko?
Samaanay patahkal ko maˈoningay pakayni ci Lotoan, ano maolah toniya hekal ato maamaan nira, tada masaka talawan?—Satapangan 13:12; 14:12; 19:3, 12, 13, 24-26
Sasamaan patalahkal kita to nika olah ci Yihofaan ao cowa koniya hekal ato maamaan nira?
Sasamaan kako misaromiˈad a patalahkal to nika pisalimla to Kimad ni Yihofa?