Midipotay ci Yihofa to Tamdaw Ningra

Ya saka cecay a Pitaˈlifan a Lisin tada masaka limlaan a demak. Toya dadaya, mapatay ko polong a fisac wawa no Icip, pasowal sa ci Falaw ci Mosian: “Olilito, kamo ato finawlan no Israil kalamkamen a miliyas to finawlan ako. Doedo hanto ko sowal namo a midoko ci Yihofaan.” (Kasadakan 12:31) Patalahkalay ci Yihofa to midipotay to finawlan Ningra.

Ano tikolen ita minengneng ko aniniay likisi no tamdaw ni Yihofa i, mamaˈaraw ko wacay to padadotocay ci Yihofa mikayat ato midipot to tamdaw Ningra. Itini i pitelian to katelangay likisi i Worwik, patiriˈay to “O Midopoay to Ngangan ni Yihofa a Tamdaw” sanay a likisi mamahapinang koni a demak.

Minengneng to Ika: Itini i Worwik Minengneng to Likisi: “O Midopoay to Ngangan ni Yihofa a Tamdaw”, Ikor Pacaˈofen kora Ilaenoay Salicay:

• 

  O Micekiway to Fangcalay Cudad a Tamdaw nai 1914 misatapang misafacoay to lalosidan a patanektek to falocoˈ no tamdaw pakasoˈlin to Fangcalay Cudad, samaanay ko nika laˈosi nira hani?

• 

  Isaka 1916 ato 1918 miheca mafekaday ko manan sapalifet to mahapinangay ko pikayat ni Yihofa to likakawa Ningra?

• 

  Samaanay ko tamdaw ni Yihofa fanekfek ko falocoˈ soˈliˈlin ira ko misafelitay cangranan?

• 

  Isaka 1935 miheca iraay ko manan faelohay a noka cipinang no tamdaw ni Yihofa, samaanay a mifiyor i cangranan koni?

• Ano tayraay kiso minengneng toni piteliˈan to katelangay likisi i, sasamaan patanektek to nika pakasoˈlin iso to mikayatay ato midipotay ci Yihofa to tamdaw Ningra?