O KAˈORIP NO KRISCIYANG
Malo Misakafahay Pahemek ci Yihofaan
O Israil tamdaw iraay ko lalangian pahemek ci Yihofaan. Pasadakan ni Yihofa cangra nai Icip ato milidong cangranan nai sufitay ni Falaw! (Kasadakan 15:1, 2) Padadotocay ci Yihofa patalahkal to nika ngaˈay to finawlan Ningra. Sasamaan kita patalahkal to nika piakoˈid hani?—ˈOlic 116:12.
O cecay pakayraan i, malo padamaay a misakafahay ato miceriday a misakafahay. Mitolon kiso to kalim ato ˈicel a malo misakafahay. (Filipi 2:13) O ˈalomanay tamdaw ˈayaw no malo miceriday misakafahay i, satapangan malo padamaay a misakafahay. Ngaˈayay piliˈen iso ko 30 anca 50 a tatokian, itini saka tolo ato saka sepat folad anca pilisoˈan no kasakilac kantok a folad a misakafah. Matanamto iso ko hemek malo padamaay a misakafahay i, latek ngaˈayto kiso malo miceriday a misakafahay. Ano oyato misaromiˈaday ko tayal anca cowa ka tada ngaˈay ko tireng a salikaka, ngaˈayay malo miceriday a misakafahay cangra. (mwb-CH 16.07 8 fiedac) Ci Yihofa citatodongay to sasaˈicelen ita pakahemek Cingra!—1 Rayray 16:25.
Minengneng to Ika: Tatoloay a Fafahiyan Salikaka Itini i Mongku, Ikor Pacaˈofen kora Ilaenoay Salicay:
Tahasiˈayaw to manan pasangar konini tatolo fafahiyan salikaka a malo misakafahay?
Malifokay nangra ko manan a sapalemed?
Malo miceriday a misakafahay cangra ikor, tahacadaay to manan faelohay a tayal saki Yihofa?
O taˈarawan nangra samaanay mifiyor to roma salikaka?