Aka Piyakayak to Caay ko Soˈlinay a Sowal

Anini, pakaynian i sifong, laciyo, tilifi, salilan, o lalakaw kalikiay a pafesel tayni icowacowa. O midokoay to “mitafoay to soˈlinay a Kawas” a tamdaw, cowa ka ciharateng a padeteng sa anca cowa ko mipadetengan a miyakayak to makaniway a lihaf. (ˈOlic 31:5 ato ilaenoay safanaˈ; Kasadakan 23:1) Ano miyakayak to caay ko soˈlinay a lihaf i, o papaira to taˈangayay a noka pidokaˈ. Toha sapisaˈosiaw to soˈlinay kora lihaf ha anca makaniway ha, lalicayen ko niyah:

• ‘Lalengawan nora lihaf o soˈlinay han?’ Ora pasowalay tora lihaf a tamdaw alatek cowa ka tada cipinang tora demak. Ano saliyaliyawen patenak ko lihaf i, latekay matongalay anca malowanay ko sowal, mankora ano awaay ko pinang iso to lalengawan nora lihaf i, ka pisanaˈonaˈon kiso. Ano ciˈinorongay kiso i kasakopang i, o salikaka miharateng o naitiniayho tisowanan a lihaf, maedeng o ‘soˈlinay’ wa saan, mihaenay haw i, mamangalef kiso misanaˈonaˈon, ano caayho ka makinsa iso kora lihaf, aka a patenaken i tao.

• ‘O mitonganganay a lihaf han?’ Ano mamirepat to ngangan no nima anca masakapotay i, aka a saliyaliyawen a patenak.—Taneng 18:8; Filipi 4:8

• ‘Pakinaliay kora sowal han?’ Ano pakinaliay kora nisowalan i, o kakiriwiˈen a misinanot.

Minengneng to Ika: Samaan a Paterep to Miyakayakan a Sowal?, Ikor Pacaˈofen ko Ilaenoay Salicay:

• 

  Pakayni to sowal no Taneng 12:18, o nisowalan ita a sowal alatek pairaay to masamaanay a noka pidokaˈ?

• 

  Pakayni to sowal no Filipi 2:4, samaanay padama kitanan ira ko matatodongay a noka pilengo to tao?

• 

  Ora nisowalan a demak ano o milikafay to tao i, sasamaanto kita?

• 

  ˈAyaw no mamilengo pakayni i tao i, licayen ko niyah to manan a salicay?