O KAˈORIP NO KRISCIYANG
Makalimay Kiso Mirienang to Pahatatanamay to Mitosilay to Kitakit a Tamdaw Han?
Masalalomaˈay no 23 mihecaan tangasa 65 mihecaan kiso, halo mieminay to toki matayal ci Yihofaan han? Talifakay kiso ngangaˈay tayra i misaaliay to ˈalomanay mitosilay a kilac han? Ano hatiraay i, miharatengay kiso to sapirienangaw to SKE han? Mikisatapang tahinini, o masacaˈolay masaefanay a mararamoday, caho ka ciraramod a salikaka mirienangayto toninian a SKE. Nikawrira o tokel no harateng niyam i, ˈaloman ko cowaho ka cirarmaod a faˈinayan salikaka a mipangangan. Ngaˈayay ngitangiten iso ci Yihofa paˈicel to hatiraay a harateng, pakalim tisowanan pakahemek Cingranan mikotod to taˈarawan no Wawa Ningra. (ˈOlic 40:8; Matay 20:28; Hipray 10:7) Saharateratengen mamaan, ngaˈay a misamaan a milowan to tayal ato notekedan a demak, ho ngaˈ ira ko tatodong mirienang toninian a pahatatanamay.
Malahecito ko SKE a pihatatanaman i, masilsilay ko salikaka talacowa matayal hani? Romaroma nangra masilsilay tayni i roma sowal a kilac, matahidangay cangra tayra i tokay mikiriwiˈay a misawacay, o romaroma nangra malo dama no kasakilac kantok, anca malo kasakilac kantok anca mikiriwiˈay manilnil a mitosilay. Ano misaharatengay kiso ano ikor misamaan matayal saki ci Yihofaan i, nanay matira kiso ci Isayaan, pasowal cingra: “Kakoto! Ocoren kako! Colcolen kako!” Sanay.—Isaya 6:8.
Nengnengen ko Ika: Mikiriwiˈay Manilnil a Mitosilay—Mipanayay a Tamdaw, Ikor Pacaˈofen ko Ilaenoay Salicay:
Samaanan a mipiliˈ ko mikiriwiˈay manilnil a mitosilay?
O manan a ciepocay a tayal ko midemakan nangra?
O manan ko malayapay nangra a sapalifon?