Dipoten ko Raramod Iso

Miketonan a sowal no mararamoday misakaretengan ni Yihofa a minengneng, manonoˈay cingra to faˈinayan ato fafahiyan tahadaˈocen malacecay. (Matay 19:5, 6) Itini tamdaw no Kawas, ˈalomanay ko lipahakay a raramod. Nikawrira, awaay ko malefotay a raramod, kaniw a nimaan iraay aca ko kapasangaran. Ano mafekad ko pasangaray i raramod i, aka a mahaen to hekal a tamdaw, patelasay a masasieked ato malacinowas. O mararamodayto a Krisciyang sasamaan midipot to raramod no niyah.

Sinanoten ko ilaenoay a limaay kalimlaan a pakayraan.

1. Sapidipotaw to falocoˈ iso i, laliyasen ko makakalonay ato maˈodangay a lawla a demak, samanen oha sakapalak no raramod koninian a demak.—Matay 5:28; 2 Pitiro 2:14.

2. Ka tanekteken ko kalawidang to Kawas, saˈicelen ko harateng a makalim to raramod no niyah, pakahemek ci Yihofaan.—ˈOlic 97:10.

3. Ka padadotoc misacaˈedong to faelohay capeling, misadamsay to tihi no niyah, parahekeren ko harateng no tihi i raramod.—Kolosay 3:8-10, 12-14.

4. Sakaretengen a pikangodo ko waywayan a masasowal.—Kolosay 4:6.

5. Tano olahen ato damsayay milaheci to saali no madadiˈiyay no mararamoday.—1 Korinto 7:3, 4; 10:24.

Misakaretengay mikangodo to raramod a Krisciyang, o mikangodoay to mipatirengay to raramod a Kawas ci Yihofaan.

Nengnengen ko Ika Mihadidi ko Falocoˈ Milaheci a Comikay to Cacikayen Ita—Midoedo to Rikec no Malalifetay a Comikay, Ikor Pacaˈofen ko Ilaenoay Salicay:

• 

  Soˈliˈlin ngaˈayay isalakat ko raramod, halatek wa tahalifa to maanan a sapalifet?

• 

  Safalod no Fangcalay Cudad misamaanay padama to ‘litecayto ko olah ko raramod niyam’, sanay a tamdaw?

• 

  O manan ko sapalimoˈot ni Yihofa to mararamoday?

• Ano saka iraaw no lipahak noka raramod, wa misamaan ko demak no mararamoday aki?