Kasamihecaan Taykay—Patalahkalay to Olah no Mita

Misamaanay hano tada maolah kita to kasamihecaan a taykay? Malecaday kita no lalitengan Israil a tamdaw, pakaynian ita pitaykayan malacafay to ˈalomanay a salikaka mihodop ci Yihofaan. Tada malipahakay kita to misadayan ni Yihofa a kadofahay a sapataheka kitanan, halo misalimlaay kita malacafay to widang ato salawina, pakayniay i piakoˈid no falocoˈ ita a milaheci mirienang to toloay romiˈad a taykay.

Ano malisopsop kita i, hamaan haharateng han aca ko o maamaan ko mamacada ita, ngaˈay kita misaharaterateng misamaan a paihkal to ciolahay a falocoˈ to tao. (Kalatiya 6:10; Hipray 10:24, 25) Mirienang to taykay i, patadoen ko salikaka mifohat to fawahan, ato patatodong han ko kamaroˈan no niyah, ano misahatira i, o patalahkalay to ciharatengay to tao. (Filipi 2:3, 4) Mitaykay i, ngaˈayay misawidang to salikaka. ˈAyaw no taykay i, mahererekto i, ato kalahokan i, ngaˈayay metmeten ita ko toki a misawidang. (2 Korinto 6:13) Wa mamahela ita i pitaykayan ko tahadaˈocay a widang. O kalimlaan i, ano maˈaraw no tao kita a masasiolah, halatek mamakalim cingra misakapot titaanan a mihodop ci Yihofaan.—Yohani 13:35.

Nengnengen ko Ika “Midaˈocay ko Olah!” Koksay Taykay, Ikor Pacaˈofen ko Ilaenoay Salicay:

• 

  Itini 2019 miheca a koksay taykay, o salikaka misamaanay paihkal to olah to mitaypiyaway i roma kitakit a widang?

• 

  Misamaanay tada mikiriwiˈayto ko olah no finawlan ni Yihofa a makakelec?

• 

  Kimad no Kasacefang no Mikayatay a Malohemay Malitengay i Congpo somowalay to masamaanay a olah no Krisciyang?

• 

  Kasasiolah no Krisciyang misamaanay padama to i Towicay ato Koriyaay a salikaka mihadidi to saroero a makelec mihodop to Kawas?

• Wa sasamaanen ita misetek ko falocoˈ?