Papairaen no Kawas aci Yis Kristo ko Hano Ikoran Ita a Pasalat

Tahasiˈayaway kiso to manan pasangar nohatini? Halatek, o tawki no paro no lomaˈ kiso, adihayay ko ˈinorong. Halatek, cecayay kiso paririˈ to wawa. Halatek, maceriday masamsam no cafacafay. Halatek ciadadaayto, matoˈasayto, caayto ka talifak ko tireng. Kaniw a nimaan, iraay aca ko kapasangaran no cecacecay tamdaw, romaroma a Krisciyang, miremoayho to sataediedip sanay a pasangar. Kao ngaˈayay, mafanaˈay kita caayto ko hahalafin, mamalasawadto ko hatiniay a kihcod a sapalifet.—2 Korinto 4:16-18.

Mafanaˈay kita mahapinangay ni Yihofa ko narorayan no mita, saka mahinomay anini kita, tada masemeray Cingra to nika madimadi ato pihadidi ita, hanaca masadayayto Ningra ko matomesay a sapakaolah. (Yirimiya 29:11, 12) Ano ci Yisto ciharatengay titaanan, itini pidemak to tatayalen no Krisciyang, mikiˈokay cingra mamisakapot titaanan. (Matay 28:20) Naˈonen misaharaterateng, cedengen misimsim ko pikowan no Hongti Kitakit no Kawas a sapasalat, matolang ko pakasoˈlin to hanoikor a tokel, misetek ko falocoˈ tahira i tolas ko pihadidi.—Loma 8:19-21.

Nengnengen ko Ika Wa Irato ko Taˈangayay Padiing, Samoceken Minengneng ci Yis!—Wa Palemed ko Hongti Kitakit no Kawas, Ikor Pacaˈofen ko Ilaenoay Salicay:

• Hano maraay maraay ko kalalaˈed no tamdaw to Kawas? Pairaay to manan a minaroˈan?

• O manan ko mamalayap no madimadiay ci Yihofaan a tamdaw no ikor?

• Hano ngaˈay kita milayap to sakangaˈayaw no ikor?

• O maan sapakaolah i faelohay hekal ko misahalamhaman no miso?