Toloay a Hapakayraan Mitadiˈec ci Yihofaan

Mitadiˈecan ni Tafiti ci Yihofa, mansa mapadik ko taˈakayay tamdaw ci Koliyat. (1 Samuil 17:45) Sapipadamaaw ci Yihofa to madimadiay Cingranan a tamdaw. (2 Rayray 16:9) Nikawrira, mamisamaan kita ngaˈ o mitadiˈecay ci Yihofaan, cowa ko niyah a ˈicel ato nalifetan ko mitadiˈecan? Iraay ko tolo a hapakayraan:

• Rariden a mitolon. Aka mararawto ngaˈ, ikor mingitangit to sasodod ni Yihofa, ai saˈayaw no misiˈayaw to sakayhid, micangacang to ˈicel Ningra a micoˈay. (Matay 6:12, 13) Aka maharekto ko pisaˈosi ikor ngaˈ micangacang to sapalemed ni Yihofa, ˈayaw no mamisaˈosi i, saaliento ko sakayat ato taneng Ningra.—Yakop 1:5

• Palahaden ko ngaˈayay nanaman miˈosi to Fangcalay Cudad. To romiˈamiˈad a miˈosi to Fangcalay Cudad. (ˈOlic 1:2) Haratengen ko tinakoan ilalomaˈ no Fangcalay Cudad, saˈicelen a misaka dademak i kaˈorip. (Yakop 1:23-25) ˈAyaw no mitosil songilaˈen a misaday, kilimen ko mitepangan no likakawa, aka tiˈeren ko nalifetan no niyah. Songilaˈen misaday ko lalakaw no saˈopo, mihaen ngaˈ adihay ko mananamay i pisaˈopoan

• Dofdofen ko likakawa ni Yihofa. Sinanoten ko faelohay a sakayat no likakawa, halo tangsolen a misaka dademak. (Saˈosi 9:17) Ano mihadak to salimoˈot ato sakayat ko malohemay malitengay i, songilaˈen a mitengil.—Hipray 13:17

NENGNENGEN KO IKA MISIˈAYAW TO SAROERO, COWA KO MAMATALAW, IKOR PACAˈOFEN KO ILAENOAY SALICAY:

• Salikaka ita milifetay to manan katalawan nangra a demak hani?

• O manan ko padamaay cangranan misiˈayaw to ˈangi hani?