O KAˈORIP NO KRISCIYANG
ˈImeren ko ˈAnof no Niyah
Kita maemin, cowa ko malefotay, wa misaˈicel ngaˈ, maˈimer ko ˈanof no niyah. Ano tooren ita ko tatiihay a ˈanof no niyah i, wa cato ka hemek to Kawas kitanan. Tinakoen, o kaolahan no tamdaw a kakaenen, rikoˈ ato lomaˈ, ikakaay to kaolah ci Yihofaan; o roma tamdaw sapisaloaw to maˈodangay a demak, misafelitay to ˈakawangay palinian no Kawas (Loma 1:26, 27); o roma tamdaw sapicapidaw to sapakahemek no tao, pahecad sanay to saali no cafay.—Kasadakan 23:2.
Sasamaan ngaˈ miˈimer to ˈanof no niyah hani? Saˈicelen ita a pakahemek ci Yihofaan, milongoc Cingranan a padama kitanan miˈimer to ˈanof no niyah. (Matay 4:4) Misamaanay? Samanen mafanaˈay ci Yihofa o manan ko sangaˈayay no mita, mafanaˈayho Cingra sasamaan misalo to matatodongay a saali ita.—ˈOlic 145:16.
NENGNENGEN KO IKA AKA PAPIORATEN KO TAMDAW TO HAKELONG NO ˈORIP, IKOR PACAˈOFEN KO ILAENOAY SALICAY:
Hano mitamako ko tamdaw hani?
Mitamako iraay ko manan tatiihay noka pifiyor tisowanan?
Mitamako to masamaamaanay hano o mararaway?—2 Korinto 7:1
Wa ngaˈay kiso misawad to sapitamakoaw a harateng!
Ano patafak ko tao tisowanan i, sasamaan kiso milalang? Sasamaan misawad to mitamakoay a nanaman hani?