Malo Misakafahay

Ano miharatengay kita sakadademak to ˈicel no niyah, patireng to patosokan mitongal to tayal saki ci Yihofaan. (1 Korinto 9:26) Ano ira ko patosokan ita, i ˈayaw no salikoray ˈawaled wa misaˈicel kita a misakadademak to toki. (Ifiso 5:15, 16) Tanamen i pakalomaˈay a pidoko, patireng to faelohay patosokan i faelohay miheca. Ilalomaˈ no rayray no saˈopo madadoedoay a kamok mihadakay to sapaini, wa ngaˈay kiso mitolon ci Yihofaan, haratengen hena, ngaˈayay kiso patireng to manan a patosokan.—Yakop 1:5.

Tinakoen, o paro no lomaˈ ngaˈayay silsilen ko demak, awaawa sa ira ko cecay mirienang to miceriday misakafahay han? Ano cisasaay kiso caka matataˈos to toki no misakafahay, licayen ko cecay a misakafahay. (Taneng 15:22) Alatek, tahidangen ko misakafahay tayra i lomaˈ iso mirienang to pakalomaˈay a pidoko, tengilen samaanay ko demak ningra. Ikorto, limasmasen ko hademak iso. O roma i, ano misakafahay kiso itiya i, ano hatini ngaˈayay haratengen wa ngaˈay kako miliyaw a malo misakafahay han?

I paro no lomaˈ namo, iraay ko mamitanam toniya mihecaan kinacecay anca kinapina malo padamaay misakafahay han? Ano ira ko tolas no ˈicel sa kiso, ano ngaˈay ira ko miming to cecay romiˈad, alatek matataˈos ko padamaay misakafahay a toki. Ano mitakciayho kiso anca o matayalay, awaay ko pakayraan itini kalo romiˈad a mitosil, wa samaan hani? Alatek mitanam i limaay ko pipahanhanan a folad malo padamaay a misakafahay. Tiliden i kuyomi ko hasapisakafahaw iso a folad ato limasmas a toki.—Taneng 21:5.

NENGNENGEN KO IKA MALO TIMOLOAY A . . . MISAKAFAHAY, IKOR PACAˈOFEN KO ILAENOAY SALICAY:

• Mikitini i nalifetan ni Amia, samaanay mahapinang iso, o mamipadama ci Yihofa a midipot to misaˈicelay misakafah a tamdaw hani?