Malinah Tayra i Taˈangayay ko Saali a Kilac

Na mananamayto kiso to niyah a kitiraan ano malinah tayra i misaaliay a kilac, tada misaaliay to taˈakayay a pakasoˈlinay a falocoˈ. (Hipray 11:8-10) Ano miharatengay kiso to sakatayraaw i misaaliay a kilac, ngaˈayay malalengo to malohemay malitengay no kasakopang to patosokan iso. Hano mafanaˈ kiso to o matatodongay ko patosokan no niyah hani? O tatalacowa kiso a malinah? Ngaˈayay tanamen iso: Kilimen ko milingatay toniya lalangian a mitepangan a lalakaw, malalengo toya tayraayto i misaaliay a kilac a salikaka, tolonenho ci Yihofa micangacang to sakayat Ningra. (Taneng 15:22; Yakop 1:5) Ano sakatayraawto kiso tora kilac, tongalen ko kacipinang to itiraay a kaˈorip, anca ngaˈayay tayra kiso to cecay liyad a mitanam to samaanay ko kaˈorip itira.

NENGNENGEN KO IKA TANO PASOˈLINAY FALOCOˈ MICOWAT TO MASASIROMAAY A TAYAL —TAYRA I CISAALIAY A KILAC, IKOR PACAˈOFEN KO ILAENOAY SALICAY:

• I ikaay a faˈinayan salikaka, raremoen ningra ko manan a pasangar? O manan ko padamaay cingranan?