Saka 4 Folad 29–5 Folad 5 Romiˈad
ˈOLIC 34-35
Radiw 10 ato Mitolon | Satapang a Sowal (1 ehon)
1. “Ceriden Pakahemek ci Yihofa”
(10 ehon)
Tahapasangar ci Tafiti kamayan pakahemek ci Yihofaan (ˈOlic 34:1; w07-CH 3/1 22 fiedac 11 fatac)
Paˈodingaran ci Yihofa cowa ko niyah (ˈOlic 34:2-4; w07-CH 3/1 22 fiedac 13 fatac)
O cafay ni Tafiti pakatengil to pipakahemek ningra ci Yihofaan, mapakalalokay (ˈOlic 34:5; w07-CH 3/1 23 fiedac 15 fatac)
Naitira ci Apimilikan milaliw ci Tafiti ikor, iraay ko 400 madoedoay ni Sawlo a tamdaw tayra i kohkoh a mitadiˈec ci Tafitian. (1 Samuil 22:1, 2) Miˈoning ci Tafiti toniya ˈOlic maharatengay ningra alatek koniya tamdaw.—ˈOlic 34 fedengan.
HARATENGEN HENA, Ikor malalengo to salikaka i kasaˈopoan i, wa ngaˈay sasamaan kako pakahemek ci Yihofaan hani?
2. Odoˈ no Sinael:
(10 ehon)
ˈOlic 35:19—Cangacangay ci Tafiti to Kawas aka ‘papisamolecoen ko pinengneng’ no ˈintehay cingranan a tamdaw, o manan ko tatodong hani? (w06-CH 5/15 20 fiedac 2 fatac)
Mikitini to miˈosian a sinael anini lipay, makilimayho iso ko manan a odoˈ?
3. Miˈosiay:
(4 ehon) fg saka 13 fedengan, saka 1-2 salicay (Pasifanaˈ 5)
4. Misatapang a Malalengo
(2 ehon) ITINI COWA KO MISAˈOSIAN A KITIRAAN MISAWACAY. Cowaho ka lengo ko Fangcalay Cudad, sapiliyasawto ko tamdaw, mansa kalikien mihererek ko sowal. (lmd saka 1 fedengan saka 4)
5. Padadotocen a Padama Cangra
(4 ehon) ITINI COWA KO MISAˈOSIAN A KITIRAAN MISAWACAY. (lmd saka 2 fedengan saka 4)
6. Mitadtad to Pihakelongan no Niyah
(5 ehon) Taˈarawan. Salicay no Tamdaw 59 fedengan—Lalangian: Pakayni pilisingan a romiˈad, sasamaan ko saˈosi no Misawacayay Tamdaw ni Yihofa hani? (Pasifanaˈ 17)
Radiw 59
7. I Kasaˈopoan Pakahemek ci Yihofaan a Tolo a Pakayraan
(15 ehon) Kamok mahawpay ko milengoay.
Sangaˈayay a pipakahemek ci Yihofaan i kasaˈopoan. Sasamaan kita tano tolo a pakayraan a pakahemek Cingranan i kasaˈopoan han?
Masasowal: Ngaˈayay kiso masasowal to tao to makapahay ni Yihofa. (ˈOlic 145:1, 7) Tinakoen: Mananamay iso a kalimlaan tada ciepocan nanay kiso; makapahay nalifetan iso i pitosilan; o sowal no tao ato nademakan ningra pakalalokay tisowanan; masangaˈay ni Yihofa a dafong masemeran nanay kiso tonini. Onini o sapatelong ni Yihofa maemin. (Yakop 1:17) Ano kahnay kiso tayra i kasaˈopoan i, wa ira ko toki masasowal to tao toniya demak.
Mirienang malalengo: Saawaawaay kinacecay pacaˈof i kasaˈopoan. (ˈOlic 26:12) Tangsol sa pacaˈof kiso to salicay, sowalen ko kalimlaan no lalakaw, lengoen ko sinael ato coka, anca sowalen to mamisamaan misaka dademak. Adihayen ko misadayan a sapacaˈof, ano cowa ka toroˈ no misikayay kiso, wa iraho ko hapakayraan no miso a pacaˈof. Ano kalitosa no cecay ehon ko pipacaˈof iso, wa ˈalomanto ko hapakayraan no tamdaw a pacaˈof, a patafang to ‘sapatoˈaya’ ci Yihofaan.—Hipray 13:15.
Moradiw: Sarocoden a moradiw. (ˈOlic 147:1) ˈAlomanay ko tamdaw no kasakopang iso alatek, alatek cowa ka toroˈ kiso awaay ko hapakayraan pacaˈof, kawra oha ngangaˈay kalacafay to ˈalomanay moradiw. Cowa ka fanaˈ kako moradiw saan kiso, ano misarocod to falocoˈ moradiw i, mamahemek ci Yihofa! (2 Korinto 8:12) Ngaˈayay misaday to radiw kiso i lomaˈ.
Nengnengen ko IKA Tikolen ko Likisi, Pasayra i Noikoran: Radiw—Naitiniay ci Yihofaan a Sapatelong, Saka 1. Dotoc licayen:
Tikolen ko likisi no likakawa ni Yihofa, mahapinangay iso to samaanay misakareteng ko salikaka to radiw hani?