SAKA 10 FOLAD 7-13 ROMIˈAD
ˈOLIC 92-95
Radiw 84 ato Mitolon | Satapang a Sowal (1 ehon)
1. Midoko to Kawas o Sangaˈayay a Pakayraan Maˈorip!
(10 ehon)
Adihayay ko nidemakan ni Yihofa kitaanan, citodongay Cingra to dadokoen (ˈOlic 92:1, 4; w18.04 26 fiedac 5 fatac)
Padamaay Cingra kitaanan citaneng ko pisaˈosi, lipahak ko kaˈorip (ˈOlic 92:5; w18.11 20 fiedac 8 fatac)
Soˈlin matoˈasto ko midokoay ci Yihofaan a tamdaw, misaaretenganho ni Yihofa a minengneng cangra (ˈOlic 92:12-15; w20.01 19 fiedac 18 fatac)
LICAYEN KO NIYAH: ‘O maanan ko mamicara kitaanan patafang to tireng micada to paputisem hani?’
2. Odoˈ no Sinael
(10 ehon)
ˈOlic 92:5—Pakayni i taneng ni Yihofa, hano matatodongay ko sowal nonini a sinael hani? (cl-CH 176 fiedac 18 fatac)
Mikitini to miˈosian a sinael anini lipay, makilimayho iso ko manan a odoˈ?
3. Miˈosiay
(4 ehon) fg saka 10 fedengan, saka 1-2 salicay (Pasifanaˈ 5)
4. Misatapang a Malalengo
(4 ehon) ITINI COWA KO MISAˈOSIAN A KITIRAAN MISAWACAY. Sano malawidangay a masasowal, latekay pasifanaˈay kiso to tamdaw to Fangcalay Cudad. (lmd saka 5 fedengan saka 3)
5. Padadotocen a Padama Cangra
(3 ehon) ITINI COWA KO MISAˈOSIAN A KITIRAAN MISAWACAY. Maolahay kora tamdaw to Fangcalay Cudad, kawra na minaˈayay minanam. Tanamen a miliyaw pasowal tonini limasmas. (lmd saka 8 fedengan saka 4)
6. Pasifanaˈ to Tamdaw Malo Krisciyang
(5 ehon) Ano aeca sa kacakat ko pakingkiwan, masasowal cingranan. (lmd saka 12 fedengan saka 5)
Radiw 5
7. Padama to Macariraway a Kaemangay
(15 ehon) O kamok mahawpay ko milengoay.
O midokoay ci Yihofaan a tamdaw iraay ko kacarirawan, tinakoen itini hakelong no ˈorip ni Tafiti adihayay ko kacarirawan, anini mahaenay ko romaroma salikaka. (ˈOlic 13:2; 139:23) Soˈlinay haw i, ano kaemangayto a tamdaw adihayay ko kacarirawan. Ano calemcem ko falocoˈ nangra i, malingad micudad mirienang to saˈopo, o hatiniay kalo a demak pasangaran nanayto cangra. Marawraway ko falocoˈ nangra, iraayto ko sakinasoˈotaw a harateng.
Kaemangay tamdaw, ano macariraway ko harateng iso, ecato ka tomeseng i, kilimen ko wama wina anca roma matoˈasay tamdaw mihadak to nafalocoˈan. Tada ciharatengay ci Yihofa tisowanan, aka mapawan mitolon Cingranan. (Filipi 4:6) O papadamaen Ningra kiso. (ˈOlic 94:17-19; Isaya 41:10) Nengnengen ita ko nalifetan ni Setain.
Nengnengen ko IKA Ciharatengay ci Yihofa Takowanan. Dotoc licayen:
• O manan a sinaelan taˈangayay ko pipadama ci Setainan? Misamaanay hani?
• Samaanay ci Yihofa padama cingranan?
Malo wama winaay, ka pihadidi mitengil to sowal no wawa, micerid paihkal to olah cangranan, padamaenho cangra pakasoˈlin to ciharatengay ci Yihofa cangranan. (Titus 2:4; Yakop 1:19) Ano kamoto i, cangacangen ci Yihofa pafeli to sahinom ato sapakalalok tamowanan, wa ira ko ˈicel namo padadotoc padama to wawa namo.
Alatek cowa ka fanaˈ kita o cima ko macariraway i kasakopang, anca pasangaray a cipinang to nafalocoˈan nangra, nikawrira o ngangaˈay kita misaˈicel maolah to kahacecay a tamdaw i kasakopang, o masalalomaˈay no kasakopang saan cangra miharateng.—Taneng 12:25; Hipray 10:24.