Pairaen ko Ngaˈayay Hapikingkiwan

Itini pikingkiw iso sapilifokaw to adihayay a epoc han? Ilaenoay a sapaini a pakayraan mikingkiw papadama tisowanan.

• Piliˈen ko matatodongay a kitiraan. Kilimen ko makoracay, tadengalay a hakitiraan, ngaˈayay kiso i kaˈayaw no cokowi a maroˈ, ngaˈayay tayra i papotal mikilim to sinowayay a kitiraan.

• Aka makalisanga no tao. Itiniay i ‘kanikaran’ ci Yis tayra i ‘awaay ko adeses a kitiraan’ a mitolon. (Marko 1:35) Kiso ano cicafayay to tao anoca paro no lomaˈ a maroˈ i, pasangaran nanay ira ko tekedan iso a toki, ano hatiraay i, pasowalen cangra to hahacowa kiso a mikingkiw, aka mikalisanga takowanan itira tora tatokian han.

• Padadotoc a misamacay. Aka a makalisanga. Ano tano socian anca pingpan a mikingkiw kiso i, keniˈen a mipadeng ko soni, mihaen i, cato ka makalisanga. Itini pikingkiwan iso i, ano talifahal sa maharateng ko dademaken, ngaˈayay kantangen a mitilid, maherekto mikingkiw ngaˈ demaken. Ano pasangaran kiso a misamacay i, ngaˈayay lomowad misarakarakat, miwicawic to tireng.