Misakadademak to ‘Naitiniay i Kawas a Mikiriwiˈay a Inaneng’

Wa ngaˈay kita masasipakalalolalok to salikaka, misalimlaay kita tonini. Kawra ano masasipakalalolalok i, malacafay aca cowa ka edeng, papaˈicelenho ko pakasoˈlinay a falocoˈ no mita. Paihkalay ko Fangcalay Cudad, o mahaenay a paˈicel to pakasoˈlinay falocoˈ no tao a capeling i, o ‘naitiniay i Kawas a mikiriwiˈay a inaneng,’ hato o sapafeli no Kawas kitanan a sapatelong. (Loma 1:11, 12 ato roma pihongyak.) Kawra sasamaan kita misakadademak tonini a sapatelong hani?

Tano sowal iso pakalalok to tao. Songilaˈen a misimsim to o manan ko hasowal iso. Tinakoen, ano pakamay pacaˈof i saˈopo i, aka samacay sa somowal to niyah a demak, ao somowal to mikitiniay ci Yihofaan, o Kimad Ningra ato finawlan Ningra o manan ko mananamay iso. Ano masasowal to salikaka i, ngaˈay milengo to paˈicel to pakasoˈlinay falocoˈ no mita a demak.

Tano waywayan ato misaˈosian iso pakalalok to tao. O romaroma tamdaw pasangaray ko kaˈorip, kawra kamayan miemin to toki matayal saki ci Yihofaan. O romaroma tamdaw soˈlin maroray a matayal, kawra malahci ko tayal i, kamayan mirienang to saˈopo. Iraayho ko romaroma tamdaw tatiihay ko tireng, kawra kamayan tawlik a mirienang to saˈopo.

Miceriday kiso pakalalok to salikaka, malecad o patelongay cangranan han? Masinanotay iso ko salikaka marariday pakalalok tisowanan, mahecad o patelongay tisowanan han?