Lafi no Tapang

1. Yihofa, kakarayan Wama,

sidaˈitay Kawas niyam.

Paihkalay Kiso to masadafdafay,

olah, ˈicel ato taneng.

O lalitengan no Israil,

milidongan Iso cangra.

O kapatay ni Yis, mapaˈorip kami,

sowal Iso wa malaˈosi.

2. Kanonoˈan Wawa no Miso,

ocoran tayni i sera.

Malo sapatefoc milidong to tamdaw,

pairaay to hatokel.

Pakayni toniya saˈopo,

o piharateng cingranan.

O kapatay ningra mamalidong kami,

cato ka patay ko tamdamdaw.

3. Mitahidangay tamiyanan,

tada kalikoan niyam.

Siniˈada Iso, akoˈiden niyam,

midofdof kami ci Yisan.

Cowa ko mamapawan kami

to kinafalah ni Yis.

Mihadidi kami to romiˈamiˈad,

mitala to salidong Iso.