O Sapatinako Ngaˈayay Sapasifanaˈ

Matay 13:34, 35

KALIMLAAN: Sakadademaken ko sapatinako pacakat to inaneng pasifanaˈ. Tano madoloay a sapatinako mikidat to hemek no mitengilay, mitadtad to kalimlaan.

HAPAKAYRAAN:

• madoloay demak ko sapatinako. Nanamen ita ko sapasifanaˈ ni Yis a pakayraan, o sowal ningra madoloay a mahapinang, tano madoloay a demak, patinako to ikemoday a demak. Palecaden ko sapatinako to masakalimlaan, hamaan tongalen ko cowa pilingat a demak, awato ko pinang no mitengilay to samaanay ko kalaliting no sapatinako ato kalimlaan.

• Mikitini i pakayraan no mitengilay mipiliˈ to sapatinako. Piliˈen ko milingatay to mitengilay a sapatinako mikidat to hemek nangra. Haratengen ko sapatinako a misakadademak, hamaan pakangodoen pakararaw ko mitengilay.

• Tano sapatinako a pasifanaˈ, mitadtad to masakalimlaan. Sakadademaken ko sapatinako ­mitadtad to kalimlaan. Ho maharateng no mitengilay ko kalimlaan, ao cowa ko sapatinako aca.