Tano Tanengen a Mipiliˈ ko Hawidang

O ngaˈayay widang palipahakay to kaˈorip no mita, ano tahalifa kita to pasangar i, wa pakalalok kitanan a paˈicel. Kawra patalipaˈelalay ko Fangcalay Cudad kitanan, cowa ko polong a tamdaw ngaˈay to hawidang ita. Mihaenay, o samaanay a widang ko papiliˈen iso hani? Sinanoten ko pina a kalimlaan.

1. O widang samaanay milingat tisowanan?

Ano macerid kita macacawmaˈ to cecay a tamdaw, alatek wa palidlid sa a mahecad cingranan. Ano masasiˈayawto a malacafay, anca tano wanglo a mararinnak, alatek wa pairato saka ciepoc ita anca tatiihay a pifiyor. Sowal no Fangcalay Cudad: ‘Kalacafay to citanengay a tamdaw wa ira ko taneng, kalacafay to mafolaay a tamdaw [oya cowa ka olah ci Yihofaan a tamdaw] wa masipon.’ (Taneng 13:20) Ano kalawidang kita to maolahay ci Yihofaan, ato midokoay Cingranan a tamdaw i, wa padama cangra kitanan tanektek ko kalawidang ita aci Yihofa, wa ngaˈayho padama kitanan ira ko matatodongay a pisaˈosi. Kawra ano macerid kita macacawmaˈ to cowa ko lalomaˈay no kasakopang a tamdaw i, alatek wa palidlid sa cangra a papiliyas kitanan ci Yihofaan. Mihaenay i, pakalalokay ko Fangcalay Cudad kitanan tano tanengen a mipiliˈ ko hawidang. Ano kiso ato widang sahto o maolahay ci Yihofaan a tamdaw, wa ciepoc ko ngaˈayay kalalaˈed namo, wa ngaˈayho ‘malahahinom makakowad.’​—1 Tisalonika 5:11.

2. O pipiliˈ iso to widang a saˈosi wa samaan ko pinengneng ni Yihofa hani?

Tada misinanotay ci Yihofa a mipiliˈ to hawidang. ‘O moecelay a tamdaw ko ngaˈayay a widang’ Ningra. (Taneng 3:32) Ano kalawidangen ita ko cowa ka olah ci Yihofaan a tamdaw i, wa samaan ko pinengneng ni Yihofa hani? Wa masomad Cingra. (ˈOsien ko Yakop 4:4.) Kawra, ano kecengen ita kalawidang ko tatiihay a tamdaw, wa mahemek ko Kawas, wa kalawidangen Ningra kita.​—ˈOlic 15:1-4.

CALEPEN MIKADKAD

3. Sinanoten ko cowa ka ngaˈay a cafay

Pakayni i Krisciyang, o cecay tamdaw ano cowa ka olah to Kawas ato palinian Ningra i, o cowa ka ngaˈayay a cafay. Nengnengen ko IKA, ikor pacaˈof to ilaenoay salicay:

IKA: Minanam Mikeceng to Cowa ka Ngaˈay a Cafay (6:17)

• I masamaanay a pakayraan alatek, kalacafay kita to cowa ka ngaˈay a cafay?

ˈOsien ko 1 Korinto 15:33, ikor pacaˈof to ilaenoay salicay:

• O harateng iso i, o masamaanay a tamdaw, alatek o tatiihay a cafay? Misamaanay?

ˈOsien ko ˈOlic 119:63, ikor pacaˈof to ilaenoay salicay:

• O masamaanay tamdaw ko papiliˈen iso a kalawidang hani?

4. Soˈlin taˈakayay ko kasasiroma, ngangaˈay mala ngaˈayay widang

Masowalay i Fangcalay Cudad ko tatosa a Israil tamdaw, ci Tafiti aci Yonatan. O mihecaan nangra ato saaroˈan taˈakayay ko kasasiroma, kawra tangongolay ko kalangaˈay nangra a malawidang, mala ngaˈayay a taˈarawan ita. ˈOsien ko 1 Samuil 18:1, ikor lengoen ko ilaenoay a salicay:

• O ngaˈayay widang, o mihecaan ato lalengawan maroyaroy ngaˈ, ngaˈay han? Misamaanay?

ˈOsien ko Loma 1:11, 12, ikor lengoen ko ilaenoay a salicay:

• Maolahay ci Yihofaan a tamdaw misamaan a makakowad?

Nengnengen ko dotoc a ika, o cecay kapah a salikaka samaanay ciwidang to cowa ka haraterateng a tamdaw. Nengnengen ko IKA, ikor lengoen ko ilaenoay a salicay.

IKA: Fohaten ko Falocoˈ Matama Iso ko Faelohay Widang (5:06)

• Hano calemcem ko wama wina ni Akira to cima ko misawidangan ningra hani?

• Isalakat hano maolah ci Akira kalacafay to picudadan a widang hani?

• Ikor samaanay miremo cingra to matoˈolay a harateng?

5. Palahad to kalawidang

IKA: O Manan ko Soˈlinay Widang Hani? (4:14)

ˈOsien ko Taneng 18:24 ato 27:17, ikor lengoen ko ilaenoay salicay:

• O kalalaˈed no soˈlinay a widang, sasamaan a madadama hani?

• Iraay ko mahaenay a widang iso han? Ano awaay i, samaanen iso mikilim ko ngaˈayay widang hani?

ˈOsien ko Filipi 2:4, ikor lengoen ko ilaenoay a salicay:

• Sakairaaw ko ngaˈayay widang, isalakat mala ngaˈayay widang no tao ngaˈ. Samaan ko demak iso hani?

KALIMLAAN

Tano tanengen ita a mipiliˈ ko widang i, o pakahemekay ci Yihofaan, wa milifok to sakaciepoc no niyah.

Lomalen

• Hano ciharateng ci Yihofa kitanan to o cima ko mipiliˈan ita a widang hani?

• O masamaanay a tamdaw ko cowa ka ngaˈay kalawidangen ita?

• Sasamaan kiso ngaˈ palahad to tangongolay a kalalaˈed ato maolahay to Kawas a tamdaw hani?

MALALITINGAY A LALAKAW

Nengnengen, ano tahapades i, o soˈlinay a widang wa misamaan padama kitaanan.

“Aniniho Palahad to Soˈlinay Kalawidang” (Mikecolay, Saka 11 Folad 2019)

Nengnengen hena, sakairaaw ko ciepocay widang, iraay ko manan a sapaini.

“Misamaan Kako Ngaˈ Mahela ko Ciepocay a Widang Hani?” (Salicay no Kapah—Iraay ko Ciepocay a Caˈof, Saka 1, saka 8 fedengan)

Sakaciwidangaw itini i wanglo, o manan ko sasinanoten iso?

Itini Pisawidangan a Wangcan Pairaen ko Taneng (4:12)

Hano ca:to kalacafay cingra to isaˈayaway widang hani? Nengnengen ko “Nanay Ira ko Wama Ako” sanay a lalangian a milifetan.

“Minanam to Fangcalay Cudad a Mafalic ko Nokaˈorip” (Mikecolay, 4/1, 2012)