Ka Pihadidi

Samaanan ni Yis Midemak

IKA: Mihadidiay ci Yis a Padama to Safasafa

1. Nengnengen ko IKA, anca miˈosi to Yohani 7:3-5 ato 1 Korinto 15:3, 4, 7. Ikor haratengen ko salicay:

1. I salakat, samaanay ko harateng no safasafa ni Yis to mitenakan ningra a lihaf hani?

2. Cowa pisawad ci Yis to safa ci Yakop, hano mafanaˈ kita hani?

Mikitini i Midemakan ni Yis, O Manan ko Mananamay Ita?

2. Pakayni ngaˈayay lihaf, cowa ka hecad ko pinengneng no kahacecay tamdaw, o roma tamdaw halafinay ngaˈ micadaay, mihaenay i, ka pihadidi kita.

Todongen ci Yis a Misakadademak

3. Tanamen ko cowa ka hecad a pakayraan. Ano cowa ka tangsol sa cingra a mihayi minanam to Fangcalay Cudad, aka a paciecien. Panengnengen to pina a ika anca lalakaw, ho mafanaˈ cingra sasamaan a mikingkiw ko Fangcalay Cudad, ato pairaay to manan a epoc cingranan.

4. Aka a mipalalini. Cowa ka hecad ko kahacecay a tamdaw. Ano o salawina ita anca milisoˈan ita a tamdaw, cowa ka kahi mikingkiw, anca cowa pihayi to cecay a Kimad no Fangcalay Cudad i, haratengen, o manan ko lalangian ningra. Halafinayto cingra itini i pihakelongan ningra han? Calemcemay cingra to pinengneng no salawina ato fiyafiyaw han? Hadidien ita cingra, alatek wa mahapinang ningra ko epoc no Kimad no Fangcalay Cudad.

5. Paitinien i satolon iso ko lalisoˈen. Ngitangiten ci Yihofa padama kitanan tawlik a minengneng to lalisoˈen, tano matatodongay a pakayraan padama cingranan; cangacangenho ko Kawas iraay ko pafafidaˈay a taneng, ano cowa ka hemek ko milisoˈan i, hawad hanto milisoˈ.​—1 Korinto 9:26.