Ihkalay Cipinang

Samaanan ni Yis Midemak

IKA: Tano Sapatinakoan ni Yis Mitadtad to Ciharatengay ko Kakarayan a Wama Kitanan

1. Nengnengen ko IKA, anca miˈosi to Matay 6:25-27. Ikor haratengen ko salicay:

1. O manan a sapatinako ni Yis a mitadtad to ciharatengay ko kakarayan Wama kitanan?

2. Soˈlin adihayay ko nika fanaˈ ni Yis to sifanaˈ no ˈayaˈayam, kawra o manan ko kalimlaan a mitadtadan ningra hani? O hatiniay a sapakafanaˈ hano ihkal a cipinang hani?

Mikitini i Midemakan ni Yis, O Manan ko Mananamay Ita?

2. Ano ihkalen ko pakayraan a pakafanaˈ to tamdaw, mihaen wa madoloto a padama cangranan pakaharateng to kalimlaan, patemer to falocoˈ nangra.

Todongen ci Yis a Misakadademak

3. Aka adihayen ko sowal. Itiniay i lalakaw ko lalengoen, aka patongalen ko romaroma a lalakaw. Milicayto kiso i, hadidien a mitala to sapacaˈof no sito. Ano caka fanaˈ cingra to sapacaˈof i, anca cowa ka pahecad to pinengneng no Fangcalay Cudad i, ngaˈayay tano roma a salicay mikayat cingranan a pakahela to matatodongay a caˈof. Cipinangayto ko sito to kalimlaan i, padadotoc a milengo.

4. Palalitingen ko faelohay ato mananamay ningra a sifanaˈ. Tinakoen, mamilengo to patikol maˈorip a fedengan i, lomalenho ko samaanay ko nika patay no tamdaw.

5. Piliˈen ko matatodongay a sapatinako. Ano somowal to sapatinako i, saharateratengenho:

1. ‘Madoloay koniya sapatinako han?’

2. ‘Ihkalay cipinang ko sito toniya sapatinako han?’

3. ‘Padamaay cingranan pakaharateng to kalimlaan han? Anca o sapatinako aca ko maharatengay ningra han?’