O Lihaf no Taykay

MICADAAY TO TAMDAW Makahiyay ko militemohay padama to tamdaw. Tooren ko sakayat nangra pakayni to pitelian to paliding, karomakatan, kamaroˈan, ato romaroma a demakan.

MICADAAY TO PAPUTISEM O kamaroˈan no mamicada to paputisem itiniay i kaˈayaw no pikimadan, anca o misaˈosian toya romiˈad a kitiraan. Mamicada to paputisem a tamdaw, ˈayaw no paputisemay kimad to papacem no Pieneman, maroˈto i kamaroˈan no mamicada to paputisem. O mamicada to paputisem a tamdaw sadayen ko sasifin ato matatodongay a rikoˈ.

PAKIYAHO Pakayni saka lipahakaw no mirienangay to taykay matongal ko piingid to Kawas, adihayay ko mapalakay a payci misaday to kamaroˈan, laciyo ato sapinengneng to ika. Ora naifalocoˈay a kiyaho iso, wa saka dademaken i pitaykayan ato mitosilay a demak i polong no hekal. Itini i taliyok no pitaykayan, mateliay ko pakiyahoan a hako. Ngaˈayayho kiso tayra i donate.jw.org wangcan a pakiyaho. O kihcod a kiyaho masaka limlaan. Miakoˈiday ko Malohemay Malitengay i Congpo to sadama namo to demak no Hongti Kitakit no Kawas.

MACALOHAY SADAMA Sinanoten, oyaan aca macalohay ko saali a tamdaw ko papadamaen.

MATAWALAY A DAFONG Kihcod a mahidayay dafong patayraan i Pialaan to Mahidayay Dafong a miteli. Ano mahidayay ko dafong iso, ka tayra a milicay. Ano masiwala ko kaemangay, keriden patayni toniya kitiraan. O kakala cafayen no wama wina ko wawa, songilaˈen a mihimaw cangra.

KAMAROˈAN Patadoen miharateng ko roma tamdaw, oyaan aca paro no lomaˈ iso, cafay mikalic to paliding, mahecaday ko pilafinan, anca pakingkiwan iso a tamdaw ko papatadoen miterek to kamaroˈan. Ano cowa ko mamiterek to kamaroˈan, hamaan telien ko dafong i kamaroˈan.

O MAKALIMAY A MATAYAL Ano ciharatengay kiso matayal i pitaykayan, ka tayra i Makalimay Matayal a Kapot milicay a pangangan.