Helongen ko Katelangay Pinangan, Caˈedongen ko Faelohay Pinangan

3:5-14

Ta mafanaˈ kiso to kimad i, taˈangayay ko nika pifalic iso to katelangay a pinangan iso han? Papasoˈlinen to mahemekay ci Yihofa to nika pisaˈicel iso. (Icikil 33:11) Nikawrira, papadadotoc kiso misaˈicel a mifalah to katelangay a pinangan, padadotoc a paihkal to faelohay a pinangan. Pacaˈofen kora ilaenoay salicay minengneng to sasalofen iso ko maanan a demak:

• ˈIntehayho kako toya pakararaway takowanan a tamdaw han?

• Ano maroraroray anca macaloh kako i, paihkalay kako to mihadidiay han?

• Ano ira ko maˈodangay a harateng ako i, kalikian ako mifalah han?

• Iraay ko tatiihay a falocoˈ ako to roma finacadan tamdaw han?

• Cowa ka sidaˈit ko sowal ako anca maketeray ko sowal ako to cimanan toni pina a romiˈad han?