Cowa ko Mamatawal a Fangcalay Tayal

Polong a tamdaw ni Yihofa ano mangaˈay ko noka matayal saki Cingraan i, o papaifalocoˈen Ningra a miharateng. Matira to cinonoˈay wama wina, maharatengay ko ngaˈayay a waywayan no wawa, ci Yihofa cowa ko mamatawal to nano demak ato noka olah ita to ngangan Ningra. (Matay 6:20; Hipray 6:10) Manaokaniw, o ˈicel ato pakayraan no mita cowa ka hahecahecad, kawra ano misaˈicel kita to tayal ni Yihofa i, o lalipahak kita. (Kalatiya 6:4; Kolosay 3:23) Pinaayto a miheca, ˈalomanay a salikaka to faˈinayan ato fafahiyan tayraay i Pitil a matayal, kiso i, mamakahi kiso tayra i Pitil a matayal han? Ano awaay ko hapakayraan iso i, ngangaˈay kiso pakalalok to tao a mihaen to demak han? Anoca padamaen iso ko matayalay i Pitil a tamdaw, padadotoc a matayal itira han?

MINENGNENG TO IKA: MANGALAY TO TAYAL NO PITIL, IKOR PACAˈOFEN KORA ILAENOAY SALICAY:

• Matayal i Pitil ira ko masamaanay a falocoˈ ngaˈ?

• Pakayni to malifokay a sapalemed to nika tayal i Pitil, samaanay ko sowal noya i ikaay a tamdaw hani?

• O manan ko hatatodong a matayal i Pitil hani?

• Samaan kiso pangangan to tayal i Pitil hani?