Pacakaten Ko Taneng A Mitosil​—Misawacay to Mapohaway a Tamdaw

HANO KALIMLAAN: O ˈalomanay mapohaway tamdaw cowa ka fanekfeken ko falocoˈ misacaciyaw to kafokilan a tamdaw. Mankora, ano misawacay cangranan i, pairaen ko taneng a mitosil. Ciharatengay ci Yihofa to mapohaway tamdaw. (Lifi 19:14) Todongen ita ko taˈarawan Ningra, talaˈayaw a mipadama to mapohaway tamdaw malawidang ni Yihofa.

SAMAANEN KO DEMAK:

• Kilimen ko mapohaway tamdaw. (Matay 10:11) Mafanaˈay kiso to iraay ko mapohaway a paro no lomaˈ no nima han? Itini i kilac iso iraay ko picudadan no mapohaway anca midipotay to mapohaway a kitiraan han?

• Patahkalen ko nika ciharateng cangranan. Ano misasoˈlin kiso ciharateng cangranan i, wa fanekfeken ko falocoˈ no mapohaway tamdaw. Tanamen a misacaciyaw to kahemekan no i kilacay tamdaw a demak.

• Padamaen cangra mafanaˈ ci Yihofaan. Toha sapadamaaw to caay ka ngaˈay ko mata a tamdaw, o likakawa ni Yihofa mitepangay to masasi romaromaay a lalosidan. Licayen cangra maolahay cangra tano masamaanay pakayraan a minanam to Fangcalay Cudad. Ano maolahay ko mapohaway tamdaw to manan a mitepangan cudad, o mitosilay kantok pasowalen ko nocudad a sikawdan, miciwmong to saki cangranan a lalosidan.