O KAˈORIP NO KRISCIYANG | KASADAKAN 10-11

Ci Mosi aci Aron Paihkalay to Taˈangayay a Timolo

10:3-6, 24-26, 28; 11:4-8

Tada timoloay ci Mosi aci Aron misiˈayaw ci Falawan oya tada cifadangalay a tamdaw itiya. O manan ko padamaay i cangranan hani? Pakayni ci Mosian, sanay ko sowal no Fangcalay Cudad: “Pakayniay i noka pakasoˈlin no falocoˈ a miliyas to Icip cingra, caay ka talaw to keter no hongti. Tanektekay ko falocoˈ ningra, mato pakaˈaraway to caay ka ˈaraw no tamdaw a Kawas.” (Hipray 11:27) Ci Mosi aci Aron fanekfekay ko nika pakasoˈlin ci Yihofaan a mitiˈer Cingranan.

Iraay ko manan a hatoki iso timolo a paihkal to nika pakasoˈlin no falocoˈ iso to cifadangalay a tamdaw?

Coka: O ngangaˈay kita paihkal to timolo itini: 1. Itini i picudadan mitaˈong to tatafing ko romaroma, cecay faˈinayan wawa tireng sanay i tatihi. 2. Cecay a faˈinayan salikaka tomirengay i kaˈayaw no hakang. 3. Cecay kapah pafeliay to tangcan to cilomaˈay i, iraay ko dimeng i ngata a mitapal cingranan.