O Masaka Limlaan Lalosidan no Fangcalay Kopang

25:9, 21, 22

Ano itinito i fangcalay kopang anca ilalomaˈ no Israil tamdaw, o tada masaka limlaan ko Katatelekan a Lipa. I fafekang no satahaf noya Lipa, iraay ko tosa a kirupim coyoh, i kalalaˈed nangra iraay ko ˈoˈol. Onini ˈoˈol patalahkalay to nika itira no Kawas, mikapotay Cingra to tamdaw. To mihecahecaan a Pihepolan to Raraw a Romiˈad, mamicomod ko sakakaay a saysi tayra i safangcalay kitiraan no fangcalay kopang, mifasfas to remes no kolong ato siri i kaˈayaw no satahaf noya Lipa, sapihepol to raraw no Israil tamdaw. (Lifi 16:14, 15) Oniya limasmas patalahkalay to o satadamaanay a sakakaay saysi ci Yis tatayni i kakarayan, patafang to sapatefoc i ci Yihofaan.—Hipray 9:24-26.

Palalitengen ko sinael to epoc no sapatefoc i kitaanan:

Sinael

• 1 Yohani 1:8, 9

• Hipray 9:13, 14

• Loma 6:23

Epoc

• o tokel a midaˈoc a maˈorip

• masodod ko raraw

• makoracay ko ngaˈayay falocoˈ

Misamaan kita ngaˈay micada toniya sapalemed?